انت بتهييس يا ريس

ابراهيم الجوهرى

الحوار المتمدن-العدد: 4114 - 2013 / 6 / 5 - 15:42
المحور: مواضيع وابحاث سياسية
    

زى ما قالت ورده زمان فى السبعينيات ( شوف كنا فى ايه وصبحنا فى ايه أخترلى بر وانا أرسى عليه )
لو قلتلك يا ريس ان كل المصريين بما فيهم اهلك وعشيرتك مش عارفين انت ناوى عليه ايه والكارثه الكبرى انك انت كمان مش عارف هى رايحه على فين (مطرح ما ترسى دقلها) هى ماشيه معاك كده يا ريس انت واخواتك انت مش واخد بالك انك بتحكم بلد كان فى القديم رائد الحضاره البشريه وفى العصور الحديثه كان رائد الحضاره فى الشرق والعالم العربى والسؤال هنا يا ريس انت واخواتك عايزين ايه من الشعب ؟
لو بتفكر ان الأفكار الريديكاليه مع العولمه اللى فرضت نفسها على البشريه هى اللى هتحكم شعب ...يبقى بتهييس
لو بتفكر انك هتمحى تاريخ حضارة عمرها 7000 الاف سنه بتسميها انت واخواتك أصنام .... يبقى بتهييس
ولو بتفكر انك هتقدر تغير تاريخ بلد وتسطر التاريخ اللى انت عايزه .... يبقى بتهييس
لو بتفكر ان لسه فى ناس مستنيا نهضتك حتى لو كانوا اللى بيشجعوك ويصقفولك ... يبقى بتهييس
لوفاكر ان امريكا واسرائيل هيقفوا أمام الشعب ويسندوك .... يبقى تهييس
لو فاكر ان اثيوبيا هتخاف منك ومش هتبنى السد.... بتهييس
وأخيرا لو لسه فاكر ان الشعب هيسكتلك على اللى بتعملوه ده... يبقى بتهييس يا ريس
نحن شعوب أشتاقت للعيش الكريم بعد معاناه سنين مع ( الفقر والجهل) الأسلحه التى مازلتم تحاربون بها الشعوب أشتقنا للحريه التى لم نراها من سلفك ولن نراها معك .
(احنا بقى هنقولك أسفين أحنا فاهمين مش مهييسين يا ريس).

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل