مصر في زمن العوالم

آمنة عمار

الحوار المتمدن-العدد: 4088 - 2013 / 5 / 10 - 22:44
المحور: كتابات ساخرة
    

*********** مصر في زمن العوالم *************
أينعم زمن العوالم !!!
أول ما نقول عوالم نفتكر شارع محمد علي , بس مصر كلها دلوقتي بقت شارع محمد علي
, الشارع اللي خرج منه هيكل و خرجت منه برضو نعيمة ألماظية
بس الفرق ان في شارع محمد علي اقتصر الرقص على النساء لكن ايمانا بمبدأ المساواة ظهر الرقص السياسي و ده بقى حرفة الرجال في مجتمعنا أو بالأدق أشباه الرجال ...
و بدل ما يكون الرقص على واحدة و نص بقى على أحلام الشعب و آماله.....
و الملاحظ أن النخبة السياسية في مصر اصبحت تجيد الرقص و تحترفه
و علشان بنحترم التخصصات فكل واحد بيرقص في مكانه, فيه اللي بيرقص على وتر الفقراء و فيه اللي بيرقص على نغمات السلام و الاستقرار و كمان اللي بيرقصوا على مسرح رجل الدين و ده بقى بيلم كتير
راحت عليكي يا الماظية !
و كأن الثورة المصرية أكبر مسرح للرقص السياسي تم افتتحاحه منذ عامين . و فجر هذا المسرح مواهب عظيمة تسلطت عليها الأضواء , مش هنقول أسماء اعتقد ان كل واحد عنده لستة ....
بس المشكلة بقى ان الشعب تعب و زهق و مل
أصل شعبنا بيتفرج على دينا فمش منطقي يستمتع بالرقص على الخشبة السياسية
من نظام لنظام
من رقصة لرقصة
حتى لو اتغير المسرح مبقتش تفرق
مهو كله رقص !!!

بس يا ترى الشعب هيفوق امتى ؟؟!!!
مش معقول هنقضي حياتنا في شارع محمد علي ؟؟!!!
نفسنا نطلع للنور بقى

AMNA AMMAr

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل