كوكب العراق ابو الخمسه

علي احمد محمود

الحوار المتمدن-العدد: 4074 - 2013 / 4 / 26 - 12:35
المحور: كتابات ساخرة
    

كوكب الأرض =365 هذا معروف
كوكب عطارد =88 يوم في السنة
كوكب الزهرة =225 يوم في السنة
كوكب المريخ =687 يوم في السنة
كوكب المشتري =12 يوم في السنة
كوكب بلوتو =249 يوم في السنة
كوكب زحل =295 يوم في السنة
كوكب نبتون = 165 يوم في السنة
كوكب أورانوس =84 يوم في السنة
كوكب العراق (5 يوم في السنة )
الكل في كوكب العراق كل سنه يضيعون
120 يوم علمن يتفقون ويقرون الميزانية السنوية الفلكية المكوكية ؟ بس تره
هاي الميزانية مجهريه ولا ترى بالعين المجردة ولهذا
الجماعة يتأخرون بإقرارها... والشعب بطران يكول اشو ما شفنه شي من الميزانية ؟ يا إخوان مجهريه
بس الراسخون بالعلم والدين من أعضاء الحكومة قادرين أن يروها ويفكون شفرتها ويصرفوها بدقه وعناية وبعدين الشعب شي يريد غير صرف الميزانية والجماعة كول وفعل وراح يصرفوها على روحهم وانتووا ياولد الخايبه أصبروا (صبرا جميلا أل ياسر)...
و 120 يوم عطله ما بين رسميه لو دينيه لو سياسيه لو لطميه لو أعياد ومناسبات وطبخ ونفخ ماكو هجي دلال بكل العالم العبوا بيها الله يحبكم وراضي عليكم.....
و60 يوم عطله أعضاء البرلمان الموقر الصيفية الترفيهية في بلاجات الدنيا وكلها بالمايوه والبكيني وقاضيها بس (دقوا الشماسي وبمبي مع عوائلهم لو أحبابهم .... حتى عبد الحليم وسعاد حسني خطيه ما تونسوا مثلهم ) حقهم لان كلهم يشتغلون بضمير حي وأمانه ودقه عاليه حتى ساعة بكبن مو بدقتهم ..

و30 يوم رمضان بيه المؤمنون من موظفينا لا يعملون لأنهم متفرغين للعبادة والصوم والمواجيل الحلال ؟ والليل كله حموضة لو جالي من وراء التخمه الحلال ؟ مال الفطور لو السحور والناس تريد منهم ثاني يوم شغل ودوام ؟ خطيه يمعودين عوفوهم يرتاحون ببيوتهم ويسوقون المخدة بحريه لان الأجر على قدر المشقة ....
و30يوم كل الوزراء والمدراء العامين يرحون للحج لو العمرة علمود يكفرون عن ذنوبهم الاداريه والمالية وسوده عليه حتى ستار الكعبة أتبلل بدموعهم وخلو أبو
السعودية كل سنه يبدل الستار من ورى دموعهم الكثيرة لان الدموع على قدر الذنوب ....
طبعا الليل في كوكبنا غير محسوب على أساس إننا أمه لاتنام بس تريد تشتغل مثل كوريا أو اليابان (خلي يطيرون ذوله كفار بس يشتغلون وناسين دينهم ) النتيجة النهائية لما تبقى من أيام سنه كوكبنا العزيز
هي فقط
5 أيام (خمسه وخميسه بعين العدو) رجاءا بلا حسد هو إحنا ناقصين . والناس تريد من حكومة الكوكب مشاريع وأعمار وبنى تحتية وفوقيه..
هنة 5 أيام بقت من السنة شنو نقدر انسوي بيها قابل عدنه عصى سحريه لو عصى نبينا موسى ؟؟؟ دائما هذا جوابهم ولسانهم أطول من عصى موسى
وولد الخايبه لا حول ولا قوه راح هم ينتظرون سنه أخرى جديدة
بس يا ناس تره حقهم خلو الله بين عيونكم ..
5 أيام كلش قليله لإصلاح واقع كوكبكم ألخرابه
انتو شنو رأيكم فهموني خلي نتناقش مو بس اني احجي وحدي
الو الو الو تسمعوني اشو ماكو صوت ولا حتى صدى ......
أني غير متأكد بس أشك....أن يكون على هذا الكوكب أحياء

#علي_احمد_محمود (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل