عدت سنة

محمد عبدالمجيد علي

الحوار المتمدن-العدد: 4031 - 2013 / 3 / 14 - 18:11
المحور: الادب والفن
    

عدت سنة ولسة الضنا ياهو الضنا
عشت المآسي كرهت ناس
كانوا الحجارة في دربنا
رحل الفرح خيم حزن
مالحزن اصلوا بحبنا
وأعمل شنو؟؟؟
لما اشوفك في دفاتري
ولما احسك في كلامي
لما اشوفك في الدروب
وقت الغروب
في كل زاوية في حينا
ورغم انك حابه غيري
بالحب أكيد راجيك انا
دا الشفتو في حبك كتيـــر
ما اظن في زولا زينا
حتي الصبر صابوا الملل
ونا لسه بحلم بيك انا
ما كنتى ساس لكل حلم
وكنتى ساس لكل بنا
مسكين انا
مسكين انا واكبر دليل
شوفتك جحيم
لكنو قربك لى هنا
مسكين انا العشت من بعدك يتيم
فى الفقر بحلم بالغناءا
ممتمنى عقلى بعدك يرجع
والفرح بتمناهو منا
يا اختنا ويا فرحنا و يا حزننا
ولو سمحتى احب اقول يا حبنا
غلطان انا
لما اعاند في الحقيقة
كنت مستني القدر
يالسمحة تاني يلمنا
غلطان انا
وما انتي حلم بعيد شديـــــــــــد
حلم ما من حقنا
كوني للفرح النهاية
وكوني للاحزان سنا
بس احمد الله لقيتي غايتك
وإن شاء الله ياخ اموت انا
وغلطان انا
لكني عشمان في الكريم
متوكل عليك ياربنا
دا الحول الخمرّ لخل
مابعيد من تاني بكره يلمنا
وتبقي من تاني الملاذ
ست البنات ياضلنا
وغلطان انا

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل