سؤال للمسلمين ؟

نور القلوب

الحوار المتمدن-العدد: 3914 - 2012 / 11 / 17 - 11:10
المحور: العلمانية، الدين السياسي ونقد الفكر الديني
    

سؤال للمسلمين :
واتمنى انى الاقى الاجابة
انتم لم بتسمعوا شريط دينى او برنامج دينى فى التلفزيون او اى خطيب مسجد
هل انتم بتصدقوا كل اللى بتسمعوه وتنفذوه دون اى تفكير ؟ولا بتفكروا الاول وتحكموا عقلكم وبتبحثوا عن اللى بتسمعوه عشان تشوفوا الكلام ده صح ولا غلط ؟ هل بتبحثوا عن ادلة اى كلام ومدى صحته ؟ولا بتمشوا وراء الكلام وخلاص؟
لان فى بعض الدعاة يريدون تطبيق الفكر الوهابى البعيد عن الاسلام
طبعا فكر ......

راجعى ومتخلف وبعيد جدااااااااااااا عن الاسلام
لان العقيدة الاسلامية متطورة لكل زمان ومكان
لماذا لم تسألوا انفسكم ليه الرسول عليه الصلاة والسلام لم يفسر القرآن ؟ وكنا اخدنا بتفسيره وخلاص ووفرنا استخدام عقلنا
الاجابة: لانه لو كان فسره كان هيفسره تبعا لزمانه ومكانه
والزمن والمكان يتغير فكان الناس هينظروا للاسلام انه دين متخلف
فلمصلحة من انهم يحصروا الاسلام فى عصور الماضى ؟
فبعض الشيوخ الوهابين او الدعاة للدعوة السلفية يريدون تطبيق فكر معين (فكر عنصرى متطرف متخلف)
فهم عايزين يقنعوا الناس بأفكارهم ويخلوهم يؤمنوا بافكارهم ويطبقوها بمزاجهم
عايزين الناس ترجع لايام الخيمة والجمل ولبس البدو وتقاليدهم وجعل المرأة للشهوة لا اكثر والغاء عقلها وكيانها وجعلها جسد للمتعة دون كرامة وعايزين يسمحوا بتزويج البنات الاطفال والقاصرات
يقوموا يعملوا ايه بقى
يدوا للناس افكار مسمومة ومفاهيم دينية خاطئة فى صورة دين وتدين
وبيروحوا يجيبوا احاديث ضعيفة ومشكوك فيها عشان يدعموا بيها افكارهم
والمسلمين الطيبين اللى على نياتهم للاسف بيصدقوهم وبيفتكروا ان كلامهم ده بجد وبيطبقوه ياعينى لانهم مفكرين انهم كده هيخشوا الجنة
فانا كمسلمة بغير على دينى جدا وبحب النبى محمد جدا وبزعل عليه انهم بيقولوا افكارهم على لسانه بالكذب لانهم بيشوهوا صورته جدا
لدرجة ان اى حد مش مسلم لم بيسمع كلامهم بيفتكر ان النبى محمد كان ارهابى ومتطرف وتفكيره متخلف وبحرم كل حاجة وبيتوعد للناس بالنار وكان متجوز السدة عائشة وهى طفلة ومفاهيم كتير خاطئة وكلام غلط
هل سألتم نفسكم ان لم اتعمل فيلم مسئ اللى عملوا الفيلم جابوا الكلام ده منين
الاجابة : جابوه من كلام شيوخ الوهابية والدعاة للسلفية
فمعلش بقى متبقوش تزعلوا وتهيجوا على اللى عملوا الفيلم لانكم اساسا لاغين عقلكم وماشين وراء الوهابيين
لان الوهابين اللى بتسمعوا لهم وبتصدقوهم بيشوهوا الاسلام اكتر من الملحدين واصحاب الديانات الاخرى
يا مسلمين يا عاقلين لو الاحاديث دى حقيقية ليه الكلام ده مش فى القرآن ليه ربنا ما قلوش صراحة ووفر علينا الجدل
فمع احترامى لجميع الشيوخ والمذاهب الاربعة
حتى التفاسير القديمة للقرآن كانت مفسرة تبعا لبيئتهم وزمنهم
فاحنا لم نمشى عليها والدينا بتتطور حوالينا الشعوب بتتقدم واحنا بنتخلف فالعالم بينظر للاسلام والمسلمين على انهم متخلفين وراجعن
فاحنا ليه بنحط نفسنا فى اطار الرجعية والتخلف وبنخلى الناس تاخد عننا فكرة وحشة واحنا مش كده اصلا
فلو هم على حق يجبوا برهانهم ان كانوا صادقين ويجيبوا ايات صريحة من القرآن مش كلام فاضى واحاديث مشكوك فيها
لو جينا نوزن الاحادث دى بالعقل هنلاقيها تتناقض مع كلام الرسول اللى علمنا اسمى القيم الانسانية ومكارم الاخلاق ووصيته فى اخر حياته على النساء وانه قال طلب العلم فريضة على كل مسلم ومسلمة
وهتتناقض مع القرآن
خلاصة القول :
يا مسلمين يا عاقلين يا متعلمين
اول اية نزلت فى القرآن اقرأ
والكثير من الآيات افلا تعقلون افلا تتدبرون
يعنى ابحث واطلع وفكر وحكم عقلك مش انك تمشى فى القطيع وتركب الموجة والسلام لان ربنا دعانا اننا نعقل الامور ونوزنها ونتتدبر ونتأمل
فلا تخلطوا بين الدين والفكر والوهابى وعادات وتقاليد الشرقين والسياسة
فدى حاجة ودى حاجة ودى حاجة ودى حاجة
واخيرا الحمد لله على نعمة العقل
ودى وجهة نظرى انا وصلت ليها عن طريق العقل
والله اعلى واعلم

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات