تجارنا دائما امزعلين الشيطان

علي احمد محمود

الحوار المتمدن-العدد: 3886 - 2012 / 10 / 20 - 18:22
المحور: كتابات ساخرة
    

من سقطة بغداد وصار ألصار من فرهود على ممتلكات الدولة وبنوكها طلع عدنا ناس مايخافون الله غنية بس بدون أخلاق ومن اشتغلوا بالتجارة خربوها وسوها فجارة مو تجارة هدفهم فقط الغش بالمواصفات والربح السريع واستيراد البضاعة الرديئة أو المعادة وبيعها بماركات عالمية جديدة المنشا وبما ان حكومتنا فتية وما عدها خبرة بقوانين التجارة
والسيطرة عليها هذولة الجماعة صاروا من كبار التجار المؤمنين ومن تدخل الى اوفيس اي واحد منهم تلكاه معلق فوق راسها صورته وهو بجانب الكعبة الشريفة بدشداشة بيضاء تسر الناضرين وعرقجين مذهب ومن يتكلم مع الزبون لازم بيده سبحة طويلة لاتعد ولا تحصى وكل كلمه وكال ماشاء الله وباذن الله المواد اصلية حتى الزبون يستحي يعامله على الاسعار بسبب الشعاع الإيماني إلي يخر منه خوب اذا جان يحمل كصة سودة هي هي فحرام عليك حتى تعامله لان ايدك بالدهن وين تلكاها
والجميل ان تجارنا من يرحون يستوردون من الصين
او الهند او شي يسالون عليه وجهة القبلة من وين وبعدين يدورون مطاعم الاكل الحلال لين يستحرمون خاف يطلع بيه لحم خنزير
و يوئثمون بسبب الخنزير ؟ بس ترى البوذيين في هذه البلدان ما يغشون احد ولا يجبرون احد على الغش او التزوير ؟ لين الجهاز المعاد يضعون عليه لصقة بيها تفاصيل العطل السابق للجهاز وشنو ضافو له .. بس تجارنا من توصل البضاعة يشيلون اللصقة علمود يبعوها جديدة واصلية هاي بالنسبة لجميع الكهربائيات والحاسبات ام باقي المواد الي يدخل الالمنيوم والنحاس و الحديد والمطاط بيها فيخففون من اوزانها او نسبها حتى يكون الربح بيها مكوكي على حساب المستهلك الكافر .واحد من هذولة
يكول سويت مواد بالصين بشرط يكتبون عليها صنع في المانيا وليس الصين فصاحب المعمل البوذي رفض و كله اني ما اريد افقد مصداقيتي ؟ ويكول صاحبنا التاجر الحيت عليه ان يكتب الي اريده
والا الغي الطلبية .. ابو المعمل انحرج لين المواد جاهزة واذا ما اخذها صاحبنا راح يخسر .. البوذي اخيرا دلاه على مكتب مسلم إيراني قرب المعمل يطبع مايريده صاحبنا..
وأخيرا محلات او عمارات او بيوت تجارنا أعلاه كلهم كاتبين عليها وبالمقدمة ...
(هذا من فظل ربي)
والشيطان كلش كلش زعلان عليهم ومدينام الليل وكاضيها بس نواح .....
لين المفروض يكتبون (هذا من فظل الشيطان )

#علي_احمد_محمود (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل