همسات عشق ازلي

ناجح محمد الجبوري

الحوار المتمدن-العدد: 3748 - 2012 / 6 / 4 - 16:34
المحور: الادب والفن
    

هااا حبيبي


وداعتك بس انته وحدك
دوم شاغل بالي بيك

هااا حبيبي الليل اجاني

الليل وحشه ....
ومن يمر طاري اسمك بعالم خيالي
كل هذاك الليل
يتحول حبيبي وداعتك جنة حلم

هااا حبيبي
ولو متغير عليه ....بس تبقه ذاك التزرع عيونه حنان
ولو متغير عليه ...بس تبقه ذاك اليرسم بضحكاته فرحه
فوك حيطان الزمان

هااا حبيبي ...الليل اجاني

وشوكك مبين عليه
تدري والله وداعتك ...لو ماوجودك شلي بيه

انته وحدك تمتلك كل المسامات الي بيه
تخترق كل المسافات البعيده ....العيب ...المايصير
المايجوز ...كل هذني وداعتك وياي تسقط

تبقه وحدك ساكن عيوني ...وتلاعب طيفهه البس بيك يحجي

انته وحدك...

بكل هدوء تفوت سالم ...تدخل بعالم حنايني بهيده هيده

انته وحدك تهزم جيوش المشاعر

ترتقي بعرشك حبيبي بين بالي ...وبين ضحكات الامس والماضي باجر

انته وحدك ...تكدر تذل كبريائي ...ويعتبر عندي انتصار

غير اني بدونك بعالم ضلام ...وانكساري كبال حسنك يفتح ابواب النهار

هاااا حبيبي

الليل جاي ...شلون من ياباب اجيك

باب بيتك بيهه حراس ولهسه جدامي تختط

تحاول اجاري مشيتك ....

انته حيل بعيد ......لكن بيه عايش

ورغم ماكلش بعيد ...اتنفسك ويه الهوه

يالرضاب شفايفك ينعد دوة

هااا حبيبي ...الليل جاي
وانه وحدي

#ناجح_محمد_الجبوري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل