ههههه يمكن اميلي مخترق مرسي الزناتي تهزم ياركاله

كريم الثوري

الحوار المتمدن-العدد: 3705 - 2012 / 4 / 22 - 09:11
المحور: الادب والفن
    

ههههه يمكن اميلي مخترق مرسي الزناتي تهزم ياركاله

بصراحة ابو كاطع يمكن اميلي مخترق ويمكن الي اخترقه اقرب المقربين مني وهذا لا يهمني ولا يحرك بي شعرة احجيلكم السالفة :
علاقتي بالفيسبوك علاقة شعرة معاوية بكل الاصدقاء والاعداء الافتراضيين / اسمحولي اكتب مر بالجلفي ومره بالفصحى على هواي بلا تحريك بلا بطيخ / يوم امس ذهبت بالصدفة لاتفقد احوال صديق كان بمثابة الاخ والتلميذ منذ عشرين عاما رغم كلشي الي صار حافظت معه بعلاقة الود والنصيحة وكتبت عنه اجمل دراسة نقدية وكنت على وشك اكتب الثانية والمسودة مازالت على الدسكتوب والله شاهد
وجدت له موضوع شبه سياسي يعني نص ستاو وجواه تهميشات باسم / كريم البغدادي / وهذا هو النك نيم تبعي وجوه تهميشاتي تعقيباته على حضرتي من حضرته / يمكن من حضرته ولو اسمه موجود عليها بس هم لا تلزموها علي لزمه تره الدنيه موت وفوت / على سبيل هههههه بس بالانكليزي تعجبت ضحكت وضجت طبعا الصديق يعرف اني غائب عن الوعي لا اهتم لما حولي ليس لانني اشرب خمر وهذه عادة اقلعت عنها من زمان / زمان زمان يازمان زمان مالكشي امان / ولا لاني اخذ حبوب كبسلة فالاب مدرسة لاولاده هو يعرف كل حركاتي وسكناتي واني هم بعد اعرف كل دقيقة في جسمه شلون تتحرك لذلج وعلى حد قوله لي يوما / كريم بس انت التعرفني /
المهم ما اطول عليكم طابقت النك نيم يمكن حرف زايد حرف ناقص شفت ماكو فرق
طبعا الباسورد مالتي بسيط جدا وهو 222 ورقمين انتم خلوهن براحتكم راسا راح تحلون محلي بمخاطباتي على اساس اني فد واحد مهم وداعتكم مايهمني اصلا اسماء الضيافة الي عندي متتجاوز ال 15 وكلهم زلم والنسوان / حشا الاخوات / عادة تستهلك الطاقات والوكت
كتبت تنويه مال واحد لم يتهم احدا حتى بالدليل القاطع وتلك عادتي وكتبتها على صفحته في الفسبوك كلت يابه تره هاي التعليقات مو مالتي وراسا لانه نط وجاوبني بتغافل مقزز ودارت الايام عليك على حد قول المرحومة ام كلثوم
كام راسا ومسح ردودي واني هم مسحت تنويهي ولا منشاف ولا مندري الا من حالفه الحظ لدقائق
زين هو كلي مو اني المخلي ردودك على صفحته طيب خلوني اصدكه بان محد سرق اميلي بس الكلام الي جايبه هو من محادثات سابقة على المسنجر بيني وبينه ومحد يعلم بيه بس هوه هاي شتخليلها وتطيب
اكلكم امسحوها بلحيتي تره اني اهذي تره السالفه كلها جذب بجذب وهاي نكتت نيسان الله يكطع نيسان و7 نيسان اساس المصايب الي فرقت بين رفاق الامس وجعلتهم واحد علاوي وواحد مالكي
الموضوع غير قابل للدعاية والاعلان يعني ميحتاج تعليقات
اكريّم الثوري

#كريم_الثوري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل