أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - اليسار , الديمقراطية والعلمانية في مصر والسودان - رابطة الطلاب الاشتراكيين - كراسة مشتركة للحزب الشيوعي الثوري ورابطة الطلاب الاشتراكيين لشرح الشيوعية















المزيد.....

كراسة مشتركة للحزب الشيوعي الثوري ورابطة الطلاب الاشتراكيين لشرح الشيوعية


رابطة الطلاب الاشتراكيين

الحوار المتمدن-العدد: 3698 - 2012 / 4 / 14 - 03:15
المحور: اليسار , الديمقراطية والعلمانية في مصر والسودان
    


الشيوعية

إيه هي الشيوعية ؟!

الشيوعية هي فكر اقتصادي وسياسي وضع على يد كارل ماركس ويهف إلى تحرير الانسان من الظلم والاستعباد والاستغلال .

وبيشوف الشيوعيين ان الإنسان مر بعدة مراحل تطور من خلالها تفكيره وهي مراحل : المشاعية (المشاع), العبودية , الإقطاع , الرأسمالية ,الاشتراكية وفي الآخر الشيوعية .

المرحلة الأولى المشاع وكانت كل حاجة متاحة لكل الناس وبعدها ظهرت العبودية وبدأ استعباد الناس من خلال ظلم الحكام والملاك وبعدها مرحلة الإقطاع ولما زاد وعي الناس وفضل التطور ماشي لحد الرأسمالية وبدأت السيطرة على العالم وبدأ ظهور مجموعات إدارة العالم في وول ستريت في أمريكا وبقى في أزمة عندهم وهي الإنتاج الزيادة عن حاجتهم وبدءوا يتخلصوا من الإنتاج الصناعي الزيادة بتاع مصانعهم بان هما يودوه لدول تانية فقيرة; فمثلاً لو في مصنع في دولة رأس مالية بينتج ألف وحدة من نوع معين من السلع والشعب عنده محتاج ألف وحدة من السلعة طيب الإنتاج هيقف ؟ يبقى العمال هيعملوا ثورة هناك طيب لما ينتج زيادة هيودي الإنتاج فين ؟! يبقى يوديه لدولة صغيرة وفقيرة والمصانع بتاعة الدول ديه تقفل والأزمة تبقى عندهم بدال ما تبقى في الدولة الرأس مالية اللي أنتجت السلعة وهنا تتحل المشكلة على حساب شغل الناس وتعبهم وعرقهم ومثال ده دلوقتي المنتج الصيني الرخيص بيخلي المصانع المصرية تقفل لأنه إنتاج أجنبي ارخص وده بيزود البطالة في البلاد الفقيرة , يعني باختصار حاجة اسمها تصدير الأزمة .

ولما يحصل ده في دولة ويزيد الاستغلال والظلم ويبقى في حزب ثوري يستطيع قيادة الجماهير ويعمل ثورة اشتراكية تبقى اسمها اشتراكية في بلد واحدة ولما ده يحصل في كذا دولة يتصدر لها بلاوي وأزمات الرأسمالية الحرامية النهابة للشعوب. بتقوم ثورات اشتراكية في عدة دول وبتبقى اشتراكية في مجموعة دول , ويفضل قيام الاشتراكية يزيد في الدول لغاية ميبقى العالم كله اشتراكي تتحد الدول الاشتراكية مع بعضها وتعمل الأممية الشيوعية , ووقتها بس تتطبق الشيوعية يعني باختصار الشيوعي بتتطبق في الأممية مش في الدول.

ولازم نبقى واخدين بالنا إن الرأسمالية بتبقى شاملة جواها عوامل نهايتها لأنها تنتج من اجل الربح وبتخلق اقتصاد هش وضعيف قايم على امتصاص دماء الشعوب ونهب ثرواتهم وإن الرأسمالية قايمة على استغلال العمال والفلاحين والفقراء ولما وعي الطبقات العاملة والفقيرة بيترفع بينهوا على النظام الرأس مالي في بلد بلد لغاية متحصل الشيوعية زى ما قلنا قبل كده .

وعشان يبقى في دولة اشتراكية لازم ده يحصل عن طريق ثورة اشتراكية يقودها الحزب الشيوعي في البلد ديه وبتقوم الثورة الاشتراكية على ايد العمال والفلاحين والطلاب والفقراء وكل اللي بيأيدوهم وبيأيدوا حقوقهم , ولما بتقوم ثورة في البلد ديه بقيادة الحزب الشيوعي بيقرر ساعتها انه يحقق أهداف الثورة ديه وده بيحصل لما الرأس مالية تتأزم والناس تبقى خلاص على آخرها وعايزة نظام جديد يحقق مطالبها في حياة كريمة بلا جوع ولا فقر ولا مرض.

وكمان لان الإنتاج في الرأس مالية إنتاج عشان يزودوا ربحهم لكن الاشتراكية إنتاج عشان مساعدة الناس

طيب سؤال تاني ممكن ؟! اتفضل : إيه الفرق بين الاشتراكية والشيوعية ؟!

الاشتراكية هي مرحلة تمهيد للشيوعية والاشتراكية بتبقى في الدول إنما الشيوعية في الأممية (يعني في العالم كله ) والنظرية الاقتصادية للاشتراكية بتقول الكل يعمل والكل يأخذ قدر عمله وإنما في الشيوعية الكل يعمل والكل يأخذ ما يكفيه .

طيب وإيه هي علاقة الشيوعية بالدين ؟! وهل ممكن الواحد يبقى شيوعي وبيدين بدين معين ؟

الشيوعي زى ما قلنا قبل كده فكر اقتصادي وسياسي بكفل حربة المعتقدات والأديان .

طيب ومين هو الشيوعي ؟!

الشيوعي هو اللي بيقتنع بالشيوعية وبيسعى ويكافح إن بلده تبقى بلد اشتراكي وان تحصل الأممية الشيوعية لما الاشتراكية تبقى في العالم كله وبيقضي حياته وسط الكادحيين وبيناضل معاهم ضد سياسة الرأسمالية والاستعمار والاحتلال والاستغلال والشيوعي مع حق كل شعب في تقرير مصيره وضد الصهيونية ومع دولة فلسطين على كامل تراب فلسطين وبيقف ضد التفرقة العنصرية بين الناس على أساس دين أو لون أو جنس.

طيب مش الشيوعية وقعت في الاتحاد السوفيتي ؟!

أول حاجة الكلام ده مش صحيح ليه ؟! أقولك يا سيدي بس في الأول نقول الكلام تاني وهو إن الشيوعية مش في بلد واحدة وإنما في العالم , يبقى اللي حصل في الاتحاد السوفييتي ده نسميه تجربة اشتراكية تمام كدة؟!

طيب وفشلت التجربة الاشتراكية اللي بتقول عليها دي ليه ؟!

هي فشلت لان اللي كانوا ماسكين الحكم بعد 1953 كانوا مش ماشيين على الأسس الاشتراكية يعني (تحريفيين) وبدأوا يعملوا اللي الاشتراكية قايمة علشان تحاربه فعملوا طبقة من الأغنياء من كبار رجال الدولة وقتها واستغلوا مناصبهم في ده وكان ده سبب انفصال الصين عنهم بقيادة ماو تسي تونغ وقتها.

تاني حاجة اجب اقولهالك هي إن كان فيه حاجة اسمها بيروقراطية ومركزية شديدة يعني روتين شديد وكان ده في مؤسسات الدولة المركزية يعني القرار بيتخذ من قبل ناس معينة والجماهير اللي هي صاحبة المصلحة مبتشاركش في صنع القرار , وده الاشتراكية بتأكد عليه وبتقول دايماً ان السلطة للشعب وبس فعلشان كدة لما معمولش الحاجات اللي بتقول عليها الاشتراكية وابتدوا يبعدوا عن خط الثورة الاشتراكية وقع الاتحاد السوفيتي وده معناه فشل التجربة الاشتراكية وليس فشل الشيوعية وكذلك فشل التجربة مش معناه فشل الفكر .

قصدك يعني نظام التأميم هو ده الاشتراكية زي ما عمل عبد الناصر ؟!

هوب بوب بوب بوب بوب ... وقف عندك ! عبد الناصر أصلا مكنش اشتراكي ! عبد الناصر هو و مجموعة من الضباط عملوا انقلاب عسكري على الملك فاروق و نفوه برة البلد و استولوا على حكم البلد و بعدين؟ هو كان عايز يحارب إسرائيل ! و فيه في العالم قطبين كبار مسيطرين على العالم و بيكرهوا بعض و كان فيه بينهم حرب باردة زي ما بيقول التاريخ ! القطب الأمريكي الرأسمالي و قطب الاتحاد السوفيتي اللي بيميل لمبادئ الاشتراكية ! طيب أنا عايز سلاح أحارب إسرائيل؟ و أمريكا بتدعم إسرائيل ! طيب اخد سلاح من مين ؟ من الاتحاد السوفيتي ! الاتحاد السوفيتي ده بيحب الاشتراكية ! خلاص يابا أنا بحب الاشتراكية كمان بس أدوني سلاح! ايش حال مكانش أكثر ناس مسجونة في عهد عبد الناصر هم الاشتراكيين و الشيوعيين ؟ كنتوا قلتوا عليه ايه بقى ؟ إزاي يبقى في دولة اشتراكية وكل الشيوعيين والاشتراكيين في السجون والمعتقلات ، وأول ضحايا للدولة دي اللي بتقول على نفسها إشتراكية كانوا الرفاق خميس والبقري في كفر الدوار والرفيق شهدي عطية الشافعي في السجون أيام عبد الناصر ، كمان مكنش في أي تنظيمات أو نقابات عمالية مستقلة !!! طيب نظام عبد الناصر ده اسمه ايه؟ اسمه رأسمالية الدولة ! يعني ايه ؟ يعني النظام الحاكم اللي في البلد يقشط كل اللي في البلد و يديره هوا بالحكومة !..هو ده حكم الشعب؟ دي الدولة هي اللي اتحولت لرأسمالي كبير و واحد بس و محتكر كل شئ عشان كده اسمها رأسمالية الدولة .

! طب والشيوعيين ناويين يعملوا ايه في مصر ؟!

ديه لمحات من البرنامج:

أول حاجة الديمقراطية المباشرة يعني انتخاب ممثلين الحواري وممثلين الحواري ينتخبوا ممثل شارع وممثلي الشارع ينتخبوا ممثلي الاحياء وهكذا لغاية المجلس الشعبي الأعلى ، ويبقوا دول صوت الشعب ومن الممكن إنهم يمشوهم أول ما يلاقوهم مش تمام .

وهنعمل حرية النقابات والاتحادات و مستقلين عن الدولة .

وأكيد هنأمم المصانع ونمصر البنوك عشان نحمي مصر من الاحتلال اللي بيحصل فيها بسبب الاستثمار وعشان الشعب يمتلك كل حاجة .

ونعمل صناعات ثقيلة والمصانع لما نعملها أو نأممها هنديها للعمال يديروها ويحددوا خطة العمل فيها هتبقى إزاي باللي يناسب حاجة الدولة .

وهنأمم الأراضي وهنخلي أقصى حاجة في الملكية خمسين فدان والباقي تعاونيات مع الفلاحين وهيديروا هما الأرض بما يتناسب مع حاجة الدولة من المواد المزروعة وهنستصلح الأراضي اللي في الصحراء بما يوازي 10 مليون فدان كمرحلة أولى على خمس سنوات ولو الإنتاج كان اكتر من الحاجة هنتبادل الزيادة مع الدول الصديقة.

والتعليم هنخليه مجاني تماماً وإجباري لحد السن اللي ممكن الواحد يشتغل فيه وهنأمم المدارس والجامعات الخاصة وهنوحد المناهج في كل مكان وطبعاً من حق المعلمين والطلاب وضع سياسة التعليم المناسبة وخط المناهج الدراسية وكل ده بشكل ديمقراطي حر .

وتوفير سكن ادمي وعلاج مجاني محترم للناس وهنتوسع في المستشفيات عشان نغطي كل مكان في مصر .

نتمنى نكون قدرنا نجاوب على أسئلة وحاجات كتير بتيجي في ذهنكوا يا شعب مصر العظيم لما بتسمعوا كلمة شيوعي ودي محاولة صغيرة مننا وأكدي هيبقى في تواصل وتوضيح اكتر من كده لينا ولأفكارنا.

الاشتراكية حتمية و الشيوعية هي البديل

الحزب الشيوعي الثوري

www.facebook.com/CPREgypt

01220235693 - 01095880371

رابطة الطلاب الاشتراكيين

http://www.facebook.com/socialiststudentseg

01114435407






اشترك في قناة ‫«الحوار المتمدن» على اليوتيوب
فهد سليمان نائب الامين العام للجبهة الديمقراطية في حوار حول القضية الفلسطينية وافاق و دور اليسار
لقاء خاص عن حياته - الجزء الاول، مؤسسة الحوار المتمدن تنعي المناضل والكاتب اليساري الكبير كاظم حبيب


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- بيان مشترك من الحزب الشيوعي الثوري ورابطة الطلاب الاشتراكيين ...
- بيان رابطة الطلاب الاشتراكيين للدعوة للعصيان المدني العصيان ...
- المراجعة النهائية لمظاهرات الغد
- بيان رابطة الطلاب الاشتراكيين للدعوة للنزول يو م25 يناير 201 ...
- بيان من رابطة الطلاب الاشتراكيين بخصوص الحملة التي يتعرض لها ...
- بيان رابطة الطلاب الاشتراكيين بمدارس وجامعات مصر ردا على تصر ...
- بيان من رابطة الطلاب الاشتراكيين بخصوص اضراب المعلميين
- اعلان تأسيس رابطة الطلاب الاشتراكيين


المزيد.....




- سواء في الصيف أو الشتاء..إليك أفضل وقت للحصول على فيتامين -د ...
- مقتل وإصابة العشرات بعد خروج قطار عن مساره في ولاية مونتانا ...
- تونس: مظاهرة ضد قرارات قيس سعيد تطالب بالعودة إلى الديمقراطي ...
- تونس: مظاهرة ضد قرارات قيس سعيد تطالب بالعودة إلى الديمقراطي ...
- زاخاروفا: رؤية الاتحاد الأوروبي قائمة على الاستعمار
- دراسة: نقص فيتامين (د) قد يزيد من خطر إصابتك بمرض خطير!
- -الغارديان-: الأسد بات مطلوبا
- النساء يفزن بغالبية مقاعد البرلمان في انتخابات إيسلندا في سا ...
- فيديو: احتجاجات في تونس على استحواذ الرئيس على السلطة مع اشت ...
- القضاء العراقي يصدر مذكرات توقيف بحق شخصيات دعت للتطبيع مع إ ...


المزيد.....

- عن أصول الوضع الراهن وآفاق الحراك الثوري في مصر / مجموعة النداء بالتغيير
- قرار رفع أسعار الكهرباء في مصر ( 2 ) ابحث عن الديون وشروط ال ... / إلهامي الميرغني
- قضايا فكرية (3) / الحزب الشيوعي السوداني
- التقرير السياسي الصادر عن اجتماع اللجنة المركزية للحزب الشيو ... / الحزب الشيوعي المصري
- الفلاحون في ثورة 1919 / إلهامي الميرغني
- برنامج الحزب الاشتراكى المصرى يناير 2019 / الحزب الاشتراكى المصري
- القطاع العام في مصر الى اين؟ / إلهامي الميرغني
- أسعار البترول وانعكاساتها علي ميزان المدفوعات والموازنة العا ... / إلهامي الميرغني
- ثروات مصر بين الفقراء والأغنياء / إلهامي الميرغني
- مدخل الي تاريخ الحزب الشيوعي السوداني / الحزب الشيوعي السوداني


المزيد.....
الصفحة الرئيسية - اليسار , الديمقراطية والعلمانية في مصر والسودان - رابطة الطلاب الاشتراكيين - كراسة مشتركة للحزب الشيوعي الثوري ورابطة الطلاب الاشتراكيين لشرح الشيوعية