أهلا وسهلا ومرحبتين

محمد القرعان

الحوار المتمدن-العدد: 3624 - 2012 / 1 / 31 - 22:53
المحور: الادب والفن
    

اهلا وسهلا و مرحبتين الاردن بترحب فيك
لبلاد السلفه و الدين والحافك عقد اجريك

والحافك مش ملحف وجزدانك صار منظف
ع ارغيف الخبز بتوقف يانيال اللي شاريك

اهلا وسهلا ومرحبتين الاردن بترحب فيك

عاصندوق المعونه رحنا تنجيب المونه
والمونه بالطاحونه وحمارك اللي مباريك

بتناولها المش محتاج وبوكل فيها لحمه وجاج
بس اللي بخبز عالصاج بظله يسحن عالديك

أهلا وسهلا ومرحبتين الأردن بترحب فيك

ظلك رص استدعايات من أول عمرك للممات
ما في أخذ لكن هات عبالك ردوا عليك؟

هاظا باب المحاكم لما اتفوت بنتفاهم
بقضوها عزايم ما حدش جايب طاريك

أهلا وسهلا ومرحبتين الأردن بترحب فيك

شو بهمه(العبدللات) ما جربش الكلبشات
غنى للأمن آهات والله إنهم عز املاقيك

سمعوك اللي ما بنقال عمنك فقير الحال
شو أنا إمساوي يا رجال؟انت شاهد بس خليك

أهلا وسهلا ومرحبتين الأردن بترحب فيك

إن رحت على عمان المصري دلك عالعنوان
شقلباني يا الزمان صار المصري هو حاميك

قديش قلت وعديت صار المصري قط الببيت
وانت ع حزامك شديت ما عبيت المازنيك

أهلا وسهلا ومرحبتين الأردن بترحب فيك

صرت شرق العواذر وقلت أحسن انسافر
والسفر مش بالخاطر يمكن أترصدق واجيك

شايف هالجحش المزيون قديش امطاوع حنون
قد ما زازا من الديون بدعيلك ألله يخليك

أهلا وسهلا ومرحبتين الأردن بترحب فيك

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل