القطط والأبواب المفتوحة

جميل عزيزمحمد

الحوار المتمدن-العدد: 3453 - 2011 / 8 / 11 - 08:58
المحور: الادب والفن
    

كان الصوت الآتي من المطبخ صوتا طبيعيا يحدث عند سقوط الأواني وما إليها من الكاونتر أو ألسنك على الأرضية .
- ولكم راحت السمجة , باكتهه السودة .
صاحت أم حمزة وهي تخرج مسرعة من الهول .
- ياهو فتح باب المطبخ . جم مرة كلت ديرو بالكم من البزونة السودة تره تبوك ألكحله من العين .
هربت القطة من الشباك المفتوح للتهوية بعد استمرار انقطاع التيار الكهربائي وقد سرقت السمكة التي أعدتها الوالدة
غداء لنا .
وقفت الوالدة وسط المطبخ متحيرة ماذا ستطبخ للغداء فقد اصحت الساعة الثانية عشر وراح التعب على الخبز الحار
والطر شي والسمكة المملحة .
- حتى شباك مفرغة الهوا سديته عن هاي السودة أم ضلوع .
- هاي كبل . شباك المفرغة صار زغير عليها . صارت مدعبلة من بوك السمج واللحم من الأبواب المشرعة .
قال حمزة وهو يحاول غلق شباك المطبخ حيث هربت القطة .
- رحم الله الكال " ودع البز ون شحمة." قال أبو حمزة شامتا . " اكو واحد يأمن ابزونة ." " البزازين حرامية من عهد آدم ."
- صحيح هاي أم ضلوع صايره ملوفده مثل صاحبك الطلع بالتلفزيون ."
- منو تقصدين حجية . رد حمزة متسائلا .
- جبر ابن شمخي اللباخ ." نسيته ." قال أبو حمزة وهو يتوضأ لصلاة الظهر .
- شلون هسة وشلون أيام زمان . أضاف حمزة .
- وين جان .
- بالخارج ورجع وي الجماعة .
- بس شلون رجعة , فتح غمض بيت بالزيتون و سيارة مربعة .
- أكو سيارة مربعة . قال حمزة ضاحكا . حجية سيارة رباعية الدفع . يعني أخر موديل . وزوجه جديدة .
- هم أخر موديل ؟ صاحت الحجية .
- أم سبعة عشر سنة . كامل المواصفات .
- هم تبريد ؟ جاء صوت أبي حمزة من غرفة الاستقبال .
- هو جبر سمخلص ؟ استفهمت الحجية .
- شمخلص . راسب بالخامس الابتدائي .
- وهاي الفلوس منين ؟
- يشتغل بالسياسة والأحزاب . مدير عام بوزارة الطيور المائية .
- البشوش والبطوط والخضرية ؟!!
- والبعيعية .!
- أشو أبوك كضة عمره بالسياسة والسجون وتاليها بيت بالا يجار وتقاعد كل شهرين .
- صوجه ليش صار شيوعي .
- أسكت لا يسمعك ويزعل .
- هو وين ؟
- بغرفة الاستقبال يصلي .
- بلكي يصير مثل جبر أبن أللباخ .
- مستحيل أبوك مبدئي كبل وهسة .
- مو مثل البزونة تبوك وتشرد .
- يلة اتعودنه على اليابسة والتمن .



جميل عزيز محمد / ذي قار / العراق

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل