سجل عنك,

محمد السعيد أبوسالم
(Mohamed Elsaied Abosalem)

الحوار المتمدن-العدد: 3414 - 2011 / 7 / 2 - 02:41
المحور: الادب والفن
    

سجل عنك,
فى محضر الداخليه,
انا بعترف,
وبصوتى قلت الاغنيه,
الداخليه مش مصريه,
والمشير صورة لمبارك جديده,
والمجلس زيه كمان,

سجل عندك,
فى محكمتك العسكريه,
وأكتب فى محضرها,
الاسم: مواطن غلبان,
العنوان: فى شبر فى العشوائيات,
عايش على الفتات,
لا يوم حلمت بوزاره,
ولا حتى فى مجلس محلى,
النيل بشوفه من قريب,
بس المواسير مش بتوصلي,
والصرف الصحى دمر صحتى,
عنوانى هناك,
فى بيت كل عامل كادح,
وعند الارض الخضرا بين الفلاحين,
أنا ساكن هناك,
الوظيفه: للإسف مفيش وظيفه,
أصل الوظايف بالوسطه,
وأنا معرفش غير عمى على بتاع الفول,
وعمى محمود بتاع اليليله,
وعمى جرجس مدرس الإبتدائى,

سجل عندك,
وأكتب أقوالى,
الدخليه مش مصريه,
والمشير صوره تانيه لمبارك,
والمجلس لعصبة الحراميه,
أستخبينا فى حضنهم,
قاموا خبونا فى مؤامره كبيره,
وضيعونا هنا وهناك,
سجل عندك,
برغم ان المحضر للداخليه,
وهيتعرض على المحكمه العسكريه,
انا صوتى بيقول وهيقول,
الثوره ثورة شعب حر مناضل,
خرجت من رحم الطبقه المطحونه للنور,
والشعب هيقوم من تانى,
يسقط كل فاسد مستبد,
يفكر يوم انه ممكن يخون,
فسجل عندك أن الشعب قام خلاص,
يسقط المجلس والمشير,
والداخليه الملعونه,

إعدام,
إعدمونى مش مهم,
انا واحد بس,
هتعدموا الملايين اللى فى الميدان بتهتف ضد الظلم ..؟

عاش الشعب واحد,
على كل ظالم حاجد,
خان في يوم ثقة الشعب الحر ..

#محمد_السعيد_أبوسالم (هاشتاغ)       Mohamed_Elsaied_Abosalem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل