سهله القضيّة .. إمداس وعْمامه

مظلوم الجوادي

الحوار المتمدن-العدد: 3398 - 2011 / 6 / 16 - 11:58
المحور: الادب والفن
    

(( إي .. سهله القضيّه امداس وعْمامه
إضرب بالدجاج اومصمص اعضامه ))
********
گالو صَعُب ليش ابذول مِتحارِشْ
ابد ميفوتهم .. لا قارش او وارش
ومن اتشوفهم .. لازم اديك اترش
إلمايؤمن بذوله .. فقد إســـــــلامه
***********
صحت اليستر الله من هلعمايم
يريدون الشعب.. إمغفَّل اونايم
ويريدونه تخلُّف مثل الابهايم
تعشعش بالشعب ما تحِس بالامه
***********
يگولولك حرام المدرسه اودارس
لتخالف شروع الدين .. وك متحس؟؟
أثاري .. تريدنه نتخَلّف او نخنس
او أعَز اولادنه .. ميحقق احلامه
***************
يريدون الزكا .. والخمُس بسم الدين
هُمّه الحارس او إحنه اللي مسروقين
وي ظالمنه حُب او وفه اومتَّحدين
او عدونه .. صار يتلمَّض ابإجرامه
***********
مو هيچی يخوتي يصير بينه ايكون
مو لازم نسلِّم .. للذي ايكرهون
احنه موش نبچی او هُمِّه ليضحكون
لازم نِرِدْ .. عليرمينه بسهامه
******************
مو كافي دجل ؟؟ كافي لِعب بينه
فگدنه ادروبنه .. اولا من يدلِّينه
عِمابم لو محابس شَذر .. تسبينه
كافي نوم .. لازم تنتهي النومـــــــــه
*****
إضرب بالدجاج اومصمص اعضامه
***********************

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل