عتاب في الغربة

معين أبوغنيم

الحوار المتمدن-العدد: 3387 - 2011 / 6 / 5 - 09:59
المحور: الادب والفن
    

عزيز آنه جنت للناس
وجنت سلوة لياليها
ماطخ هام لبنادم
عزيزه روحي تدريها
اهواي احباب چانولي
اوشرايين الگلب تدفگ کرم لیها
احباب اوصدگ یبن أمّي
عشاير طيب مابَدْلَتْ سوانيها
گبل ماتسمع النخوه .. تتقدم صوانيها
واحد گلبه بالماعون
واحد دمعه بالماعون
واحد .. خنجره ابماعون ..!!
ويا محلاها من تكثر محاچيها
اوتاليها .. شوصفّلك اشتاليها
من الغربه .. اوصفلك تواليها
وحيد ابغربتي مهضوم
وجروحي اشل بيها ..
اجروحي اغماگ يبن أمّي
اهنا منهو اليداويها ..؟؟
دولاب الدهر ضدّي ..
وروحي ابعيد عنها اللي يواسيها
ذليله عگب عزَّتها
وتوالي العمر بالحسرات .. تگضیها
شسولفلك اهواي اهموم
مامش گلب يمحيها
وصعب تلگه اليشيل اسرار
تحچیله اومیحچیها ..
اوحتّه چلمة الطيبه .. اتْغَيرَت كل معانيها
عماهه الناس هالدولار
ماتذكر اشماضيها!
مالي گلب أكتبلك ..
مالي گلب آحچیلك ..
جروحي اغماگ يبن أمّي .. اهنا منهو اليداويها ..؟؟؟؟؟

[email protected]

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل