أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - الادب والفن - فريسن فيصل - مسؤولية القاعديين وجدلية هبل تربح














المزيد.....

مسؤولية القاعديين وجدلية هبل تربح


فريسن فيصل

الحوار المتمدن-العدد: 3387 - 2011 / 6 / 5 - 03:27
المحور: الادب والفن
    


جيب الشراب؛سير للمدينة ؛جيب كازا ؛جيب الزريعة؛ الطوبيس 21؛ لعرق؛ أولاد عيسى؛ الطلبة عندك يشوفوك؛؛ رانك قاعدي؛ القاعديين راه مسؤولين؛ دوز عند خديجة فسوق العاهرات قول ليها محمد راه غادي يخلصها هاد المرة؛ احنا مسؤولين؛ مشيت عندها؛جرات علي؛سير القواد الله ينعل بوك ومحمد ديالك؛ما رديتش را حنا مسؤولين؛الا تعيط للبوليس؛را حنا قاعديين٠واحد النهار جات معاي بنت للدار كعاو علي؛را حنا مسؤولين؛الجيران يعيطو للبوليس؛ را حنا قاعديين؛قلت ما في مشكل؛نقدرو نعيشو بلا جنس٠ جيب الطابلة؛ فتح الزريعة؛ فتح القرعة؛ فتح كازا؛ طلقت الموسيقى؛ انقصها راحنا مسؤولين؛نقصتها؛قلت ما في مشكل؛نقدرو نعيشو بلا موسيقى؛ التورني؛ شرب الكاس ديالك؛ مالك واش عييتي ابنادم؛ ضرب الماحيا؛ راه الروج ما بقى؛ الراس كيدور؛ عندك من الطيارة ابنادم؛ را حنا مسؤولين؛ السبعة ديال الصباح نوض؛ النضال؛ را حنا مسؤولين؛ ارا الحليب؛ كول شوي ديال لخميرة؛ باش تحيد الريحة؛ را حنا مسؤولين؛قلت ما في مشكل؛نقدرو نعيشو بشوي ديال النعاس٠سير ناقش مع هاديك البنت را حنا مسؤولين؛ زعما ما تقربهاش واخا عجباتك؛ را حنا قاعديين ٠ عييت من؛ را حنا مسؤولين؛را حنا قاعديين؛مشيت حدا لبحر؛شربت قهيوة؛شوي يحرقني السرباي بالقهوة؛انضبط ابنادم؛ را حنا مسؤولين٠ رجعت مع شارع الزرقطوني؛شكون كنشوف؛ خديجة؛مشيت عندها؛علاش سبيتيني؛بدات كتغوت؛جات واحد ليركات؛رونو 4؛را حنا مسؤولين؛را حنا قاعديين ؛ديما قالو لي عندك من ليركات؛راه عامرين بالبوليس ولمخابرات؛جا واحد البوليسي؛انضبط الشرطي؛؛ را حنا مسؤولين؛تخلع ولاكن شاف الصبيبيط ديالي وريحة كازا وهو يزعم، اشمن مسؤولية اخوي، را حنا مسؤولين اسي البوليسي، وقول لي اشمن مسؤولية ولا نديك للبوسط، مسؤولية مع الطلبة اسي، ايه ولاكن اش كتدير؟ را حنا مسؤولين؛را حنا قاعديين اسي، سير اخوي من هنا، راه كتبان لي فشكل، ولا تلاقيتي شي دويرة فسيدي براهيم راه تنفعك٠
مشيت رجعت عند الواليدة ندوز واحد السيمانة انضابطي الخوادرية، الواليدة فين لغدا تحملي لمسؤوية ديالك، عاقت بي واش ماشي حتى لتما ،عيطت للفقيه السي سعيد وهو يبدا كيقرا علي فشمهروش بلا لا علا زلا٠٠٠واسي لفقيه دي علي هاد لحريرة ديالك، را حنا مسؤولين. واش عندك شي اخور؛راحنا مسؤولين.اه واش انتا من اصحاب المسؤولية رانا داويت شحال من واحد؛وراه حتى انا كنت من اصحاب المسؤولية القاعدية وجاب الله الشفاء،هاهوالعلاج،سير شهر لكازا بلانكا وهاي لائحة البيران اللي خصك تزور.مشيت وشفت لعجب،المسؤولية القاعدية في جميع حالاتها،شيوخ،شباب،بيض،سود،سكارى،حشاشين،جادين،يائسين،وكل المسؤوليات هنا مجموعة،واحنا راه لخوانجية ديال اليسار،ماتديرش،عندك،حداري،والقافلة تسير،واحنا راه خصنا خوميني ديال اليسار،واحد النهارشفت واحد المسؤولية قاعدية كيبول وكيتقيا فنفس الوقت،من هنا عرفت راسي تلاقيت الدواء ديالي؛رجعت عند المسؤوليات المحلية وانا كنتساين اللحظة المناسبة.
شهر مارس درنا اسبوع ثقافي؛وفنهار السبت كاينت امسية غنائية،نهار الشفاء هذا،مع التسعود ديال الصباح مشيت شريت قرينة ديال الشراب والويسكي؛ودزت عند خديجة،يالاه فاقت من النعاس،باقي علامات التقوى على وجهها،قبل ما تمشي وتجي بلاصتها علامات العهر،مع اول سيجارة وأول زبون. قبل ما تبدا تغوث عطيت ليها 100درهم؛وقلت ليها راه الصاك عامر شراب،ومن بعد غادي تمشي معاي لواحد السهرة،فرحت بزاف.
مع الخمسة ديال لعشية، فواحد القاعة اومفي عامرة ببنادم وبالمسؤوليات القاعدية،دخلت وشاد خديجة؛ سكرانين،كنتعاونو نبقاو واقفين،دخلت مع واحد الباب صغير كيعطي على للخشبة ،طلعت مباشرة،خديجة ما فهمات والو؛ولكن جريتها معاي،وقبل ما يفهم حتى واحد بديت كنبول فوق الخشبة،تلاحو علي ما نعرف شكون،وطيحوني من الخشبة؛خرجوني،وبداو علي،انظبط،المسؤولية،التزم،بلا ولا لا ...
خويديجة طارت؛ما تكون غار مشات مع ولد لحرام ديال محمد،بديت كنغوت:خويديجة هي ملك للشعب المغربي؛وخرجت من الجامعة قبل ما تسالي الأمسية ويبداو علي بالتعنيف المسؤوليات القاعدية.
شهرما كيهدرمعاي حتى واحد؛مزيان،دابا كنعس مزيان،صاحبتي معاي فالدار،الموسيقى ديما مجهدة،و الا تلاقيت مع شي ايركات،رونو4؛ما كنتسوقش ليها.مللي كنجي للجامعة كلشي كيشوف في،النجومية.هبل تربح هي الحل في مواجهة راحنا مس...راحنا قاع..عندك تنطقها وعندك من ليركات؛رونو4




لمعرفة اخر تطورات فيروس كرونا في بلدك وفي العالم كله انقر على هذا الرابط
https://ahewar.org/Corona.asp





كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,165,856,141





- المغرب/بريطانيا..احتفاء افتراضي بذكرى مرور 300 سنة على توقيع ...
- بوريطة: المغرب منخرط بتعليمات ملكية في مواكبة الفرقاء الليبي ...
- جنوب إفريقيا.. وفاة عملاق موسيقى الجاز جوناس غوانغا عن عمر ي ...
- الإمارات تطلق الدورة الثالثة من مهرجان -العين- السينمائي
- طرفا الحوار الليبي يثمنان الدعم الملكي لجهود إنهاء الأزمة ال ...
- العثماني :هذه إنجازات الحكومة التي يقودها العدالة والتنمية
- استمرار مسلسل الاستقالات من البام باقليم تارودانت
- الكاتبة الكولومبية بيلار كوينتانيا تفوز بـجائزة الفاجوارا
- جوامع صدام حسين في العراق.. تحف معمارية تخفي أسرار الصراع
- السودان يحتفل باليوم العالمي للثقافة الأفريقية


المزيد.....

- سيرة الهائم / محمود محمد عبد السلام
- حكايات قريتنا / عيسى بن ضيف الله حداد
- دمي الذي برشو اليأس / محمد خير الدّين- ترجمة: مبارك وساط
- كتاب الأعمال الشعرية الكاملة حتى عام 2018 / علي طه النوباني
- الأعمال القصصية الكاملة حتى عام 2020 / علي طه النوباني
- إشارة ضوئية / علي طه النوباني
- دموع فينيس / علي طه النوباني
- ميزوبوتاميا / ميديا شيخة
- رواية ( حفيان الراس والفيلة) / الحسان عشاق
- حكايات الماركيز دو ساد / رويدة سالم


المزيد.....
الصفحة الرئيسية - الادب والفن - فريسن فيصل - مسؤولية القاعديين وجدلية هبل تربح