هو انت فعلا موجود؟

روبرت ميلاد

الحوار المتمدن-العدد: 3255 - 2011 / 1 / 23 - 18:44
المحور: الادب والفن
    

من صغري قالو لي انك موجود

كبير و رحيم و ميحدكش حدود

وعلموني ازاي اكون خايف

تايه...مشدود

فاصبحت عبد و اصبحت معبود

جسد فاضي..عقل راكد..انسان مهدود

هو انت فعلا موجود؟؟

خلتني اخاف ابوص للسما

ولما اسقط اخاف اغلطك

فتسخطني قرد واصبح مفقود

هو انت فعلا موجود؟؟

طب لو موجود؟

ليه خلقتني معاق؟

ليه صاحبي مات؟

ليه علمتني السكات؟

ليه دايما مفيش فرصه

ليه دايما الفكره

ان الوقت فات

ليه استخبيت جوه شويه كلمات

طب ليه امي مرضت وهي بتحبك؟

ليه ابني راح

وقالولي انه عندك

طب ليه انا مش زيك؟

ليه مفيش حد قدك

طب ليه سايب الظلم عايش في ارضك

ليه ساكت عن حقك

ليه تنتقم وانت رحيم

ليه تاءذي وانت امين

ليه تضر وانت قادر ومعين

ليه تاخد وانت كريم

اه من فكره جوايا ميغطهاش كل الحروف

اه بالحق

مش انت اللي نقشت الكفوف

ليه خلقتني خاطي . مكسوف

ليه علمتني الخوف؟

الغريب بعد كل ده

اني لسه بردو بكلمك

اني نفسي افهمك

ليه سايبني

اسبك والعنك؟

ليه وليه وليه؟

الغريب انك لسه مش بترد عليا

وانا مش قادر اسيبك

ونفسي افهمك

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل