حد يفهمنا دار خدمات للكنيسة بدون كنيسة ؟

شريف القبطي منصور

الحوار المتمدن-العدد: 3203 - 2010 / 12 / 2 - 17:12
المحور: كتابات ساخرة
    

حاولت أن أناقش موضوع كنيسة القبة مع نفسي مرات ومرات. أحاول أن أجد مبرر لتصرف الحكومة. وبدون أي مقدمات جاءت الجملة التي تقول " تبرعوا لبناء جامع نفق شبر، بنينا الجامع وباقي النفق"أتت إلي ذهني مما جعلتني اضحك بنوع من الألم من هذا الموقف الذي اقل ما يوصف به موقف حكومة النفق الغبية.
بكل صراحة من يحاول الكلام في مواضيع اضطهاد الأقباط خائن للوطن و للريس مبارك.

ولكن ما هو الحل ؟ ما هي الطريقة التي ستصل بنا إلي نهاية سعيدة ويعيش المصريين في هناء وسعادة ؟
إجابة السؤال تختلف من شخص إلي شخص تعالوا نتخيل إجابة السؤال من عينات مختلفة و نوعيات مختلفة من الحزب الحاكم و من بعض أحزاب المعارضة .
وقلنا الريس بيمثل كل الناس نروح نسأله ، و الشكر للريس و الرئاسة انهم وافقوا ان العبد لله يسال الريس .
سلام ياريس اشكرك علي انك وافقت تقابل شخص قبطي مثلي ومن غير ما اضيع وقتك الثمين لعلك عندك ماتش مش فاكر لامؤاخذة اسم اللعبة اللي بيضربوا فيها الكورة في الحيطة .. متهيألي الجولاش اسف الاسكواش .

سؤال ياريس مبارك بعد أذن فخامتك . ماهي الطريقة التي ستصل بنا إلي نهاية سعيدة ويعيش المصريين في هناء وسعادة؟
الريس : الحل في حل المشكلة الفلسطينية و استمرار المباحثات بين إسرائيل و الفلسطينيين في شرم الشيخ.
يا ريس أحنا بنتكلم عن المصريين و وضع الأقباط بالذات ؟
الإجابة: و أنا بتكلم عن نفس الشيء الأقباط عندهم مشكلة واحده في مصر هو الصراع الفلسطيني الإسرائيلي .
طيب يا ريس نوافقك علي أن حل المشكلة الفلسطينية الإسرائيلية ستحل مشكلة الأقباط في مصر، ومن غير ما نسال أزاي يعني.
طيب يا ريس متي تتوقع حل المشكلة الفلسطينية الإسرائيلية ؟
الإجابة: يعني أنت مش شايف أني بنحاول حلها بأيدينا وأسناني أسف أسنانا من يوم ما تقلدت عرش الجمهورية ؟
طيب يا ريس ربنا يعطيك الصحة وطول العمر و تحلها و حنقول للأقباط هانت كلها كام سنة ؟ سنة ولا ألف سنة علي ما مشكلة الفلسطينيين و الإسرائيليين تتحل. ممكن تعطينا فكرة الحل حيكون علي يد الأسرة الكام من أسرة مبارك ؟
اعتذر فخامة الرئيس عن الرد وقال ده حسب ارادة الله سبحانة وتعالي . و احتراما للرئيس و طبعا ايمانا بأن الله واردته فوق الجميع سكت ،
طبعا احنا مش عاوزين نعمل مشاكل و مش عاوزين نسوء صورة مصر أمام العالم ومش عاوزين الدنيا تولع و الآمن المركزي يضيع وقته الغالي.
الا بالمناسبة ياريس فرصة و انا قدرت أخيرا بسماح من فخامتك اني أتكلم معاك عن مشكلة الأقباط ، متأسف اقصد الصراع الفلسطيني الاسرائيلي.
يقال ان تعداد قوات الامن المركزي حوالي 1400000 مليون وأريعمائة الف عسكري ؟
هل هذا صحيح ؟
ايوة طبعا وهذا جزء من برنامجي الانتخابي، أزاي يعني ياريس من برنامجك الانتخابي تعمل فرقة لضرب المصريين و تكسير بيوت العبادة ؟

تكسير بيوت عبادة ايه اللي حتتكسر بالعصيان و الرصاص ، الموضوع كان تكسير عظام الأقباط بس علشان يتربوا شوية . و نخلي الناس تعرف اننا متمسكين بتنفيذ الوثيقة العمريه.

نتكلم في المهم ، أنا قلت أ خلق فرص عمل لمليون ونصف عاطل ؟ و لقيت أننا ممكن نوظف مليون وأربعمائة من المليون ونص عاطل ؟ ياريس توظف مليون واربعمائة في جهاز الأمن ؟ يعني بقي اكبر من تعداد الجيش ياريس ؟
يا سيدي انتم مش عاوزين نتخلص من البطالة ؟
بس ياريس تعداد العاطلين اكثر من 12 او 14 مليون ؟
يا أبني انت اصلك مش بتعرف في الارقام هي الحكاية في الفصلة في الرقم 1,2 او 1,4 مش 12 و 14 عيب فبركة الأرقام.
متأسفين يا ريس، لكن بيقولوا ان مصاريف الامن المركزي مصاريف باهظة يا ريس ؟
يا أخي احنا عندنا اكبر قوة شرطة في العالم و العسكري بدولار ؟ قولي أنت فين تلاقي العسكري بدولار ؟ دا ولا حتي عسكري الشطرنج بدولار!!
دولار أيه يا ريس في عرضك فهمني ؟
يا أبني تكلفة العسكري دولار
مش معقول يا ريس تكلفة العسكري دولار بس في الساعة ؟ والله برافو عليكم . و احنا بنقول حبيب العادلي راجل خيبان . اهو طلع اشطر الشطار .
... أستني أستني الريس قال بأنفعال . حبيب العادلي اية وزفت ايه ودولار في الساعة أيه
اولا الفكرة من أفكار جيمي و التنفيذ من تنفيذ الشلة بتاعت جيمي اللي منهم حبيب. و لعلمك أنت فرحان قوي أن العسكري بدولار في الساعة لعلمك العسكري بيكلف دولار في اليوم مش في الساعة.

هللت و قمت وطيت علي أيد الريس أبوسها وقلت له يسلفني 10 عساكر اشغلهم عندي لان العامل عندنا الحد ألأدنى للأجور بياخد 12 دولار في الساعة.

ضحك الريس وقال لي أنت اكيد لم تدرس الاقتصاد. أنت بتدفع 12 دولار في الساعة للعامل لأنه منتج ، واحنا بندفع دولار في اليوم لشخص غير منتج لحماية الحكم فقط يا ناصح.
فقلت له يعني ياريس الدولار ده العسكري بيعمل به ايه بالضبط ؟ بياكل ويشرب و يتكسي به ؟ ولا ينتقل و نسلحه وندربه به ؟ ولا ده راتب الضباط و الرتب الكبيرة اللي بتتحكم في هذا الجهاز العظيم يا ريس ؟

مش بقولك أنتم يا أقباط المهجر مخكم تخين مش شايفين الواقع في مصر و فاكرين انكم بتفهموا احسن من الناس كلها.

وعلي فكرة انتم مش بتقولوا ان معظم الاقباط اللي اتقبض عليهم عاطلين من غير شغل ؟ طيب يا أبني انتم زعلانين ليه أحنا ضربناهم و خدناهم نأكلهم ونشربهم و نبيتهم ببلاش . يعني زي ما انتم بتقولوا فول بورد( full board ) . ايوة صحيح فول بس مش بورد فول بورش .
الريس ضحك لانه لقاها حلوة بس كلم بنرفزه انت حتتريق ؟ اخليك تحصلهم ؟

ياريس العفو أحنا لا بنفهم ولا زفت و أنا هنا بين أيديك تحت رجليك و النبي تفهمني علشان اهلي معلمونيش الا في مدارس الحكومة الزفت بتاعت العسكر . فهمني يا ريس ابوسك ايدك . ولا اقولك يا ريس و النبي تخليني غبي لا افهم ولا أحس ولا اسلك أنت بتعمل إيه ياريس . كده المشكلة تتحل ولا أنت تتعب تشرح لي ولا أنا اشغل بالي و اهتم واسلك .
بس و النبي ياريس قبل ما ابقي غبي ممكن تفهمني مبني خدمات للكنيسة يبقي مبني خدمات للكنيسة ازاي من غير كنيسة ؟
معلش يا ريس فهمني الأول وبعدين خليني أبقي زيك.

#شريف_القبطي_منصور (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات