اول خزرة

عادل الصويري

الحوار المتمدن-العدد: 3199 - 2010 / 11 / 28 - 21:25
المحور: الادب والفن
    

أوّل خزره منـّج بللت روحي
بعد ماجان يشربهه العطش كل يوم

أوّل خزره منـّج لبـّستني امن الخضار هدوم

سوالف من ضوه بعينج
ترد الوحشه عن ليلي

تفك بيبان
مقفوله بخسارات وحنين اتخورس امن ازمان

اريد وما اريد اوياج
وبين الراده بين الخوف

اخاف السجج تاخذني لحلم دخان

اريد اوكَـع بشفتج بوسه من زيتون
واركض فوكَ طولج مستحه اويه اخبال
واخاف اشهكَـ بصدرج يشتعل رمان

مابين الاصابع ضكَـت رجفة شوكَـ
واتوسلت بيهه اتوسـّل البردان

غمـّض على خدودج كَـمر تالي الليل
وانطش البياض انذور

عين بعين وعيونج خجل بالماي
وبنصهن طحت مثل الضوه المكســــور

وشبكَـتج بالحلم ظِـل شابكَـ امرايات

مابين الجفوف امنعـّس الوهواس
دنيت اهمس بأذنج وجـّن الشمعات

بأول حرف بسـْمج ذابن الشمعات

دخنه والفجر صاغ النده اجناحين
حاكت ريشنه النجمات

ابسمه بوسات عطشانات
طرنه طيور سكرانات

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل