هدني مروتك

حليم كريم السماوي

الحوار المتمدن-العدد: 3161 - 2010 / 10 / 21 - 01:30
المحور: الادب والفن
    

تمحچل حلم برموشي وحرمني النوم
ونطرت الفجر واتحرَگ
گلت مزنة وكت تعبر وازيح الهم
نسيت انا شكثر تعبان
ونسيت من السهر ثگلانه جفنيني
ويتمرجح على رموشي الحزن
وانَا الحسبالي چنت احلم
ولك ما يزي بس هدني
سَرَتْ كل ناسي ذاك الصوب
وانا مچور اتلعثم
دهدني مروتك ضاگت عَليّْ دنياي
واخذ مني التعب حيلي
وكبرت وياك بالشوغات
من سوده بوجه العدوان
هي مصخمه وصارت بعد اصخم

كل شده وتزول بيوم لو يومين
واحنه بشده ياربي
عبرنه الحد ولا من امل نترجاه
ادري الذنب من عدنا
وادري الصوچ صوچ الناس
بس ياربي يامعبود
واللهِ تعب من عدنا حتى الاه
نسوان وزلم واطفال
وايتام وارامل كلها متحيره
وتتنطر مطر خيرك
بلكي اينزلْ الرحمة
وكل ذاك الالم تنساه
بلكي الامل من يشرق
تعود البسمه لعيوني
ويرد حلمي اللي جنت اتناه
تعود البسمه لعيوني
ويرد حلمي اللي جنت ارجاه

#حليم_كريم_السماوي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل