أمس

منذر زكي

الحوار المتمدن-العدد: 3056 - 2010 / 7 / 7 - 00:34
المحور: الادب والفن
    

أمس
امس مرّيت عله روحي...
وشفت ضحكه وي الزناجل
صلبّوهه ابنذر عيد
وبسمه حلوه....
أمعضّديهه أحبال يامه...
ومرروهه عله الحواري وع الصدر شفت الوليد
وظلي جان وي الصحاري
تايه ابلعنت حزنهه الما يبيد
وشفت چلمات الموده ابلاحرف
وحته شط الماي خجلان الجرف
امس مريت عله روحي...
وفجاءه ورق اصباي
ماحي اسطوركتبتهه الطفوله
ويه شهگات المهد
والشمس...ودعت سماهه وبچت عيون البرد
والفرح تصرخ اسنينه...
ابير اخرس مايرد
امس ......
لنه وجه الماي اصفر
خايف ايضوگ البحر
والزرع گطر خضاره عله المطر
والسعف لملم اعثوگه ويركض ابجنطت سفر
والرياح...
اسيوف ماترحم محبه
أوداوة اجروح ابرماح
والعتمه...عرگانة جبين اوخايفه ايرد الصباح
والحلم.. ينخه ابليالي
امسكر ابوجه الترّجي وماترد
وطيفه...ناطر هناك..عله السواتر
خايف البارود غبشه...
ياخذ انفاس العمر
وخايف الچيله تطّگ گلب الورد
وخايف من الشوگ ...
يحمل اكفانه عله چفه
وينشد ابديرة امفارگ وين سچين اليعد
أمس مريت عله روحي...
وماهي مره
عمري ابكل نواعيره ايتبده
ومايه صار ابعيد عني...
شلون المك..
وانته روجة حزن منك
طيحّت دمع الاماني وبس يند منذر زكي

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل