هلوسات

حليم كريم السماوي

الحوار المتمدن-العدد: 3039 - 2010 / 6 / 20 - 00:32
المحور: الادب والفن
    

هلوسات

شوكت يصحه زماني وردمنه
اذا هو ردي همَّ اردَ منه
وطن هو الورد والورد منه
اذاطاب الوطن عطره هديه
******
تعال نحاسب انا اوياك وانعد
شوكت صار الردي رجال وانعد؟
تعبنه شكد بقينه نكَول وانعد(نعيد)
لمن صار الوطن ساحه اجنبيه
******
يكولون اليحب لو راد سوه
وذاعندك من الخيرات سوه
الوكت ويه الردي المبخوت سوه
وبقت ذيج الزلم تحت الوطيه
*******
يجرجرني الحلم ياناس صاحي
ويعز النوم من كثر النواحي
وسمعت اللي يريد الصعب يسعه
سعيت ومالكيت وياي صاحي
واذا ذيج السنين احسبها ظلمه
شسمي سنيني هاي
السوت السكران صاحي
سكران بكثر ماشاف من غم
كتب لوعات من دمعه دواوين
يكَلي شعندك تحارش مجانين
تدري جروحهم تنزف قوافي
ولون تطلب يكتبون
يكتبولك نزف
شوغات
ولو ضلو يكتبون
تصيح بحيل يمعودين كافي
انا ادري بيك تتحارش وتعرف
اذا واحدهم يفزز حروفه
شلون النزف بيه يصير يرعف
لجن طبع الجنون
براسك تريد
تحزم حروفنا ومنها تصف صف
صف من القوافي المايخلصن
وصف من جروح تعبانه
وتعثر بيها كل شوغات عمري
وبيهن التف

حليم كريم السماوي

#حليم_كريم_السماوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات