صداقات

كامل الركابي
(Kamel Alrikaby)

الحوار المتمدن-العدد: 3039 - 2010 / 6 / 19 - 00:30
المحور: الادب والفن
    

الصديق الاول
الراحل
توّلع فجأه
بالفن
مداخن
شبّت ابراسه
تمرض بالسحايه
وجن !

صديق
اﻴﮔول انت اشبيك ناسيني
انه وياك ﭽنه اصحاب بالسبعين
ﮔتله اشبيك انت اشلون انساك
وﭽذب ناسي !
طول اﻠﮔﻌده اسمع صوته
واتهجه االملامح واعصر بمخي
اريد اذكر ولو صوره
طفوله , مدرسه , ﮔﻬوه
سمر بار
وﮔبل ماتخلص السهره
واروح البيت
تبيّن هو شاف الحرج بعيوني
همس باذني:
نسيت الجامع البارد
انه وياك من الحر
نصلّي الظهر
ﭽذابين بالجامع
حتى انّام
حدر المروحه ونغفه
ﮔلت :هسه تذكرتك
صديق الصيف
لأن هو الوحيد
الما خطر عل بال !

صديق
ساكن من اسنين
خط الجنه والنار
ﮔتلة اشلون عايش
ﮔﺎل بالتهريب
ﭽﺎن ايودي
خمر الجنه للنار
ولاهل الجنه
ياخذ صور
فنانات مشهورات
لأن ملوّا سنين
امعاشرالغلمان !

صديق
ايبيع
حصران وحمامات
حمامه
امذهّبه ابمي الذهب
وبريش فسفوري
ﮔلت ارد اشتريها
وبيش ماتغلى
ﮔلي ابنص سعر
بس للأسف تخسر
هاي ارخص حمامه
انبيعها اعله الناس
لأن ترجع !

صديق
ابن 11 مرات
ﭽان ايبيع ﭽكليت
طلع للسوﮒ
فد يوم
وبعد
ماعاد للبيت!

#كامل_الركابي (هاشتاغ)       Kamel_Alrikaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل