عباد الشمس...لا

رحيم الغالبي

الحوار المتمدن-العدد: 3033 - 2010 / 6 / 13 - 05:36
المحور: الادب والفن

شكو...؟

شنو بكترك تضمه تكول ممنوع
وانت العمر كله ...
عايش ابجوع..؟؟
صرت ظل شجره عل حايط يظل مطبوع...
بس ينمسح لمن شمسك تغيب..
بريسم حلو..
وردة بنفسج
وتناطر هلبت باجر الها ارجوع
....جوع
جوع
خل يشبع الشابع عمة من الدجل..والجذب
والخوف
خل يشبع..
بستان.. مابي ..بنفسج ...
لاورد جوري...!!

والثمن مدفوع
الثمن خيبة عراقي
والحجي ممنوع

يامحله الحمامه
تطير وين اتطير
مو مثل بجزيره اليمشي بيها ايحير

اشتريد اتصير..؟؟

مو طبعي البريسم خيط

خلكي اكصير...

ابقه آنه مناره.....
وتبقه انته البير...
...
حير...
حير...
.... حير
بس مثل ماي التشيله من النواعير

نوبه لليسار اتروح...
ونوبه لليمين اتصير...
11- 6

#رحيم_الغالبي (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

رأيكم مهم للجميع - شارك في الحوار والتعليق على الموضوع للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك ()	تعليقات الحوار المتمدن (0)

التسلسل: 1	العدد: 132667 - ولو تزعل...
2010 / 6 / 13 - 08:49 التحكم: الحوار المتمدن	جمانه حيدر
كلامك ... يعني مو شعر .ولابي طعم بالناسبة آني قريت لك قبل شعر حلو بس يبدو خلص انتاجك . والأفضل إذا ما عندك شي جديد وحلو تبقى تقره وتتابع أحسن .. يعني شنو ذنب اللي يقره وبعدين يعكر مزاجه وانت متهتم. عفيه بعد لتكتب قبل شهرين ثلاثة ولتكلي مجابر احد يقرالي هذا مو حقك واجبك تكتب شي بي خير والينكتب مو حقك ..اعذرني على صراحتي لان اني قبل مدحتك لانه كان نتاجك يستحق المدح وهسة لا... شكرا الك إذا إرسال شكوى على هذا التعليق 47 أعجبنى المزيد-الاشراك
التسلسل: 2	العدد: 132724 - نعم
2010 / 6 / 13 - 11:54 التحكم: الحوار المتمدن	سبهان سحبان
نعم ...كلام الاخت جمانة موزون ودقيق ,وعليه سأقيم التعليق فقط 100% إرسال شكوى على هذا التعليق 52 أعجبنى المزيد-الاشراك
التسلسل: 3	العدد: 132806 - فيها صور جميله
2010 / 6 / 13 - 17:04 التحكم: الحوار المتمدن	سمير فاضل
يمعودين شويه على كيفكم ويه الرجال يعني ليش كلما يريد يحجي تضربوه بالحجار.. يعني السيد الغالبي لم يسمي مقطوعته شعراً فيمكن تقييمها من باب ادب النثر وفيها صور جميله وعموماً تقييم اي عطاء ادبي يبقى نسبي من شخص لآخر كأي لوحه فنيه.. يبقى اني اظن - وبعض الظن اثم - ان احساساً بالغرور والشخصنه قد اخذت مأخذها في الخيال الواسع للأستاذ الغالبي رحيم بقوله وهو ينشد اشتريد اتصير..؟؟ مو طبعي البريسم خيط خلكي اكصير... ابقه آنه مناره..... وتبقه انته البير... تحياتي للجميع إرسال شكوى على هذا التعليق 50 أعجبنى المزيد-الاشراك
التسلسل: 4	العدد: 132872 - عداء شخي
2010 / 6 / 13 - 20:54 التحكم: الحوار المتمدن	رحيم
لاارد اكتبو حتى نفرحبكم اولا ولتكن ردودكم باسماء معروفه شهد بحقي النواب ووريسان الخزعلي و يحيي السماوي و عريان اما النكرات...رغما عنهم انصحهم ليكتبو اسمي بالبحث في كل المواقع وعدا ذلك ينهزمون إرسال شكوى على هذا التعليق 101 أعجبنى المزيد-الاشراك
التسلسل: 5	العدد: 132979 - أخي رحيم ما تقول صحيح ولكن
2010 / 6 / 14 - 10:06 التحكم: الحوار المتمدن	جمانه حيدر
فعلا الذي تقوله بحق نفسك وهو إنك كنت كاتب وشاعر جيد ولكنك الان (يعني هسة) لا كاتب ولا شاعر ولا حتى إنسان) أصلا آني كتلك حافظ على تاريخك وهساع انت تعترف انو جنت تحضى باعجاب اللي ذكرتهم بس جنت وين وهسة وين ... والله العظيم آني استخطيك وبعدين اكتب بالعربي كل كلمة تكتبها يا ناقصة حرف يا زايدة شبيك حتى كتابة بعد متعرف تكتب . رحيم والله بطل كتابة كم شهر وعيد وضعك ولك شجاك انت صدوك خربت إرسال شكوى على هذا التعليق 42 أعجبنى المزيد-الاشراك

*	الاسم الثنائي او الثلاثي
*	البريد الالكتروني
*	عنوان التعليق
	التعـلـيـق عدد الحروف المتبقية
الاسم يجب ان يكون الثنائي او الثلاثي و بالعربية فقط ولاتقبل الاسماء الرمزية أعلمني عن التعليقات الجديدة على الموضوع