(( خلي للاحرار صوتك للوطن ))

عقيل الگرعاوي - كندا

الحوار المتمدن-العدد: 2928 - 2010 / 2 / 26 - 01:33
المحور: الادب والفن
    

(( خلي للاحرار صوتك للوطن ))

************
انطي صوتك للذي گول وفعل
للورود التزهي ساحات العمل
للفقير او كادح الهوّه الامل
للي يقضي اعلى الحزن
خلي للاحرار صوتك للوطن
**************
باتحاد الشعب يتسامه الوجود
للوطن يعله ابسواعدكم يجود
للصدق وبكل أمانات او عهود
ذخر للشدات
واسود ابيوم تشتد المحن
خلي للاحرار صوتك للوطن
***************
باجر اتفيض الخير دجله والفرات
ويفرش اشليله الفرح للامهات
والفقير ابلاسگف لا مايبات
والحزن يندفن كلّه ابلايه ون
خلي للاحرار صوتك للوطن
**************
باتحاد الشعب نخبة طيبين
والسنابل ترگص ابحنّة الطين
والدلال الفايحه ابخير السنين
تعزف انشودة فرح لجل الوطن
خلي للاحرار صوتك للوطن
*************
لتحاد الشعب افتح هالابواب
بيهه ما يبقه فساد اولا ارهاب
ولا طائفيه انعيش كلّحنا احباب
نتحد شوكه ابعين اهل الفتن
خلي للاحرار صوتك للوطن
**************
غراب العشعش ابذاك الوكت راح
نهش روح الوطن وختفت الافراح
ومن ضيمه الفقير ابعالي من صاح
منريد الأغراب نرجه ابن الوطن
خلي للاحرار صوتك للوطن
***********
الواعد وعدهم وين = ماشفنه البصيص
هانونه هالظلام ==== باعونه برخيص
اوخلّونه للجيران === والحايط انصيص
اوداسو عالعراق ابجرحه المخزِّن
خلي للاحرار صوتك للوطن
************
اليوم يومك يافقير
انتخب صاحب ضمير
اتحاد الشعب بالگلب الچبير
انعيد خير ايامنه الحلوه المضن
خلي للاحرار صوتك للوطن
*****************************

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل