أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - عبدالرحمن القطيفاني - إستيقظوا أو موتوا .. والأفضل أن تموتوا














المزيد.....

إستيقظوا أو موتوا .. والأفضل أن تموتوا


عبدالرحمن القطيفاني

الحوار المتمدن-العدد: 2764 - 2009 / 9 / 9 - 08:32
المحور: كتابات ساخرة
    


جورج : بتعرفوا يا شباب إني بحبكم كتير , متل إخواتي وأعز , كاسكم .

علي : وحق الإمام علي يا أبو الجوج انو نحنا كمان منحبك , وأنا مني وعلي بعزكم كتير لدرجة انو ما بعرف شو بيصير اذا ما قعدت وتناقشت أنا وياكم بالإسبوع مرة عالأقل , ما بعرف بس بتوقع اني بطق , كاسك .

معاوية : يا شبيبة أنا أكتر شي بعتز فيه بصداقتنا هي , أنو نحنا من أديان وطوائف مختلفة ومع ذلك بتجمعنا صداقة مو طبيعية , كعبك ابيض ابو الجوج .

علي : يمكن يا أب يزيد لأنو ما منحكي بالمواضيع الدينية بيناتنا .

جورج : لشو نحكي بالدين ؟؟ , كل مين عدينو الله يعينو .

معاوية : معكم حق يا شباب , لشو نحكي بالدين ؟؟ , عقولة سامي “لا دينك رح يوفي الدين ولا ديني رح يغنيني” , لك صبلي , اشرب عليها تنجلي .

علي : غلطان يا كوكي , الدين هو الحل , بس بيصير هو المشكلة وقت الواحد بيتعصب لدينو أو طائفتوا وما بيعود يتقبل الرأي الأخر أو الطائفة الأخرى أو … الخ , لا تنسى تصبلي كمان .

جورج : هل رأى الحب سكارى , سكارى , مثلنا , احلى ام كلثوم بحضي .

معاوية : معك حق أبو حسن , وبالزات وقت ما بيتقبل خلافة شرعية وبيثور عليها وبيصير بدو يعمل ثورة , زيد عليها شوية تلج كمان .

علي : شو قصدك ؟؟ , عن مين عم تحكي يعني ؟؟ , عن يلي اغتصب الخلافة غصب ؟؟ , وثار عليه سيد شباب الجنة ؟؟ , قربلي صحن المازا شوي , شوباك مبعدو عني كتير , نخلع كتفي وانا عم مد ايدي .

جورج : يا شبيبة , لا تحكو بهالقصص , ما دخلنا , قصص مضت وأكل الزمان عليها وشرب , يعني ما في داعي بنوب لنحكي بهالمواضيع , وخلونا نكفي شرب مع هالزمن .

علي : مزبوط يا شباب , “تلك امم قد خلت لها ما كسبت ولكم ما كسبتم ولا تسالون عما كانوا يفعلون” , صبلي كمان لاشرب مع هالزمن .

معاوية : معكم حق , أسف كتير , بس ما كان قصدي اخلق أي حساسية بيناتنا , كاسكم .

جورج : عادي حبيبي , أبونا بيغفرلنا أخطائنا لو شو ما كانت , كعبك ابيض أب يزيد .

معاوية : صعي أبو الجوج , شو عم يساوي أبوكم يلي بالسماوات هلأ ؟؟ , و وين أمكم ؟؟ , ولا الكم أب مندون أم , يا الله , شو هالنكتة , لك صبلي صب .

علي : أب يزيد , ما إتفقنا ما نحكي بهالقصص ؟؟ .

معاوية : مبلا بس انو بجد شو عم يساوي أبوهم ؟؟؟ .

جورج : معاوية , رجاءاً رجاءاً لا تجرح وخلونا نكفي السكرة برواق .

علي : طول بالك ولو , مو محرزة القصة يعني , وانت معاوية كن شوي وهدى .

جورج : لا مو هيك بس ليش عم يجرح هادا ؟؟ , يعني شو رأيك اذا هلأ بحكيلك وبجبلك إثباتات عن سورة “عبس وتولى” والراهب بحيرة ؟؟ ما بتدايقوا يعني , هات هالقنينة من جمبك .

معاوية : ليش شو دخل “عبس وتولى” بالراهب بحيرة ؟؟ , باين عليك سكرت وبلشت تخبص .

جورج : أنا سكرت ههههههههه , طيب يا سيدي أنا سكرت بس لح احكيلك قصة الراهب بحيرة و “عبس وتولى” بس منشان تعرف وما يقولوا عنك العالم جاهل لأنو إنت رفيقي وسمعتك بتهمني .

معاوية : هات لشوف …

جورج : هادا يا سيدي النبي تبعكم هتر بواحد أعمى كان جاي لعندو , قام خديجة اتدايقت من هالقصة وبعتت خبر للراهب بحيرة , فقام بحيرة بعت رسالة عتاب لنبيكم ويلي هية “عبس وتولى” فأخدها النبي تبعكم ونسبها للرب .

علي : يا ابو الجوج , نحنا اتفقنا ما نحكي بهيك قصص , بس بحب خبرك انو هادا صاحبك يوحنا الدمشقي كان عم يخبص وقت حكى هالقصة .

جورج : عم يخبص عم يخبص , متل ما بدك , ميتر , وين العرق , لا تقطعنا , خلصت القنينة ولهلأ ما جبت وحدة تانية .

معاوية : لا يا , ما عرفتك وانت عم تساير .

جورج : هي هييييي علينا , ”نحنا الثورة والغضب نحنا امل الأجيال” بصحة احلى جوليا .

علي : أعلى ما بخيلك ركبو , يعني شو لح تساوي , إنشالله مفكر حالك أبو عبد الله الحسين وبدك تثور عالظلم ؟؟ يا سيدي نحنا ظالمين , هات لشوف شو بدك تساوي ؟؟ .

معاوية : الظاهر يا أبو حسن انك سكرت انت التاني , أنو ظلم يلي ثار عليه صاحبك ؟؟ , يا حبيبي خلافة يزيد كانت شرعية ولا غبار عليها .

علي : ههههههههههههه قلتلي شرعية مو , يحرق ديبك يا زلمة تاريك سكران طينة وما حدى دريان فيك ههههههههه .

معاوية : احترم حالك وإلا بتندم هة .

جورج : يلعن دينكم , انهوا الموضوع وخلونا نكفي السكرة برواق .

علي : جورج إعود إنت على جنب شوي مالي فاضيلك , معاوية على شو بدي اندم ؟؟ , الشي الوحيد يلي أنا هلأ ندمان عليه هو اني تعرفت عليكم من الأساس .

معاوية : وحياة خالقك أنا ندمان اكتر .

جورج : شو أبو حسن ؟؟ , أنا اقعد على جنب ؟؟؟ , إنت بتعرف منيح مين انا وشو بساوي إذا عصبت .

معاوية : شو رح تساوي يعني ؟؟ , أساساً انت ما شاطر غير بالتهديد .

علي : منشان ربك يا أبو يزيد , لا تنظر علينا انت مو انظم .


واستمر الجدال بيناتن وتاني يوم ما عاد حدى سمع بسيرتن , وين صاروا , ماتوا ولا شو صار؟؟ , ما حدى بيعرف ………

بس استمر الجدال الأزلي بيناتن , حتى بعد اختفائن , وولادن استلموا الراية من بعدن


وصامدون …






#عبدالرحمن_القطيفاني (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295


المزيد.....




- أزمة الفن والثقافة على الشاشة وتأثيرها على الوعي المواطني ال ...
- -كائناتٌ مسكينة-: فيلم نسوي أم عمل خاضع لـ-النظرة الذكورية-؟ ...
- مصر.. الفنان بيومي فؤاد يدخل في نوبة بكاء ويوجه رسالة للفنان ...
- الذكاء الاصطناعي يعيد إحياء صورة فنان راحل شهير في أحد الأفل ...
- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - عبدالرحمن القطيفاني - إستيقظوا أو موتوا .. والأفضل أن تموتوا