طقوس--لصلاة شاعر

جبارالمياحي

الحوار المتمدن-العدد: 2627 - 2009 / 4 / 25 - 04:46
المحور: الادب والفن
    

طقوس00لصلاة شاعر
تنوية00 كفارة الشكك قصيدة
وما قراهه00 أطعام الف شاعر فقير
أتيمم أبأوراق بيضه
وكوم00
صليلك قصيدة
أجر كل بيت التكتبه
ايساوي00
عند الله صلاه
بس مهم00
تختار قبله
لو ردت توصل صلاتك
ووجه قلمك من توجهه
لازم القبله ضمير
وكبل ما تكتب قصيدة
كون تتوضه بشعر
حته تطهر00
خاف 00
تلزملك منصه
والتسبح00
بالقوافي مستحب
يعني مو واجب تقفي
القافيه00
أتخنث القصيدة
وأبتكر شي00
وأعبد الله
ولاتكرر00
كون كل مرة جديد
حته كل بيت التكوله
تسمع الله ايصيح عيد
الله يكره00
حته روتين العباده
الشاعر بكيفه يصلي
مو شرط00
يسمع أذان
والقلم من يحني راسه
يتخذ هيئة سجود
وكل سطر00
لو صله ركعه
يترس الورقه صلاه
وعله الاحوط
بين ركعه وركعه صورة
ولو قره مقطع شعر
وكت الغروب00
وجانت النيه دعاء
يستجاب الله الدعوته
حته لو يقره00
شطر من دارمي
الله من يخلق الشاعر
أيجيب طين من النجوم
ويصفن ويكعد يخلقه
ومن يخلقه00
أيسوي نص كلبه محبه
وباقي نص كلبه نبي
واليسن سنة شعر
يحصد أجرهه00
وأجر كلمن عمل بيه
الى 00
حد يوم القيامة


جبارالمياحي
بغداد 30/3/2009

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل