لاتنساني

عودة وهيب

الحوار المتمدن-العدد: 2343 - 2008 / 7 / 15 - 04:09
المحور: الادب والفن
    

: - ماارتاح الا لمن تجين للنت ومن تروحين اموت اموت
: - باجر اتسافر وتنساني
باجر
من تسافر
هم تنساني؟
من تروح لعالم واسع...
واسع جدا جدا....
عالم ثاني
هم تشغلك عني هواي الحان
وتنسه الحاني؟
يمكن باجر تمرح ..
تفرح
تلكه امثالي مية وحدة
للحب تصلح
هم تنساني ؟
*****
منهو اليخسر
من تسافر عن شطآني
ومن تترك موجات الشوك تغركني
وتترك حبك بين اركاني
وتترك روحي تعذب روحي
وتترك جرح ايهيج جروحي
منه الجاني؟
انت الجاني وكلبي الخاسر
من اتسافر
ومن تنساني
******
وانت مسافر
هيمة الدنية
بلايه نجوم
وبين اطلال الذكرى ..
وهمّ البيه..
الصار غيوم
ينوح البوم
تعبانه وكلش مابية
ابقة لوحدي بين احزاني
يلممكن باجر تنساني
********
من تسافر....
مية خاطر
يمر ابالي
ومن اتذكر بعدك عني
براسي ايسافر مية جني
وتتخربط كلش احوالي
ياحبي... ويلكلش غالي
طاريك هيج اشجاني
لاتنساني

11-7-2008

[email protected]

#عودة_وهيب (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل