على سبيل الاكتئابوالاحساس ان معظم الناس
بتكرهك..انصحك
ماتكملش قرايه
بنت ابوها بيروح الشغل بعجله عشان يفضل رافع رايه الطبقه الوسطى
قررت اعاده صياغه الوان اوضهاالاثاث شاغل معظم فراغها ب صوت منير
لبست حجاب من اجل كل اعلانات الايتام
الارامل
مرضى السرطان
تبرعت بدموعها
ل تترات مسلسل تليفزيونى
يحكى ان
حب يمتد لشوارع قذره بينام ف الجناين العامهشايل ف ايده عيل صغير و شويه مناديل يرميها على ركاب الاتوبيسات العامه
برضه
الحبيبه اللى لها انف مميز اضافه لانها موسيقى تصويريه لواقع مؤسف, فردت دراعها
عايزه ترقصى لا اطير
السما نزلت ترتر. فرصه اخدك من ايدك نقف ف طابور العيش نستنى صكوك غفران النبى دانييال
يااه ده انت بخيل قوى
اوعدك لما الحاله تتيسر ه اعزمك ع الانتحار
من غير فزع صوتك ف التليفون,حمره خدودك يمنعونى م .. لكن لو انا و انت و جوزك دخلنا الجنه
يا رب
ما مشاش ف مظاهره لما رفعواسعر البطاطس وهيه بتحب البطاطس,وابتسامتى
بس؟
صعب تقبل الحياه بعد سن المراهقه مع ابتسامه