اسئلة بتفزز العصب

انطوني دانيال

الحوار المتمدن-العدد: 2135 - 2007 / 12 / 20 - 11:44
المحور: كتابات ساخرة
    

أسئلة بتفزز العصب

-مطغطي بتختك ونايم ومطفي الضو , ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب وبيقول :شو نايم ؟؟
لأ !! عم ارقص.. بس الوضع بيوحي إني نايم .
-معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:
هه إجيتوا ؟؟
لا والله لساتنا عالطريق، في عجقة بشارع بغداد.
-لابس أحلى أواعيك ومتعطّر وشايل مفاتيح السيارة وحامل جزدانك ,. وداحل لبراة البيت، بيجي حدا من أهلك بيسألك، شو رايحلك شي مشوار!!؟؟
لا والله طالع عالأسطوح صلّح خزان المي .
-حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجه علائم الإستغراب والدهشة: بدك تحكي بالتلفون؟
لأ .. ..شو إحكي !!! بس كنت عم جرب صوت طنة الأرقام .
-حاطت راسك ونازل دحي بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة .
-عم تتفتل بسوق الموبايلات بجدة، بتصادف سعودي شماخه لنص ظهرو، حامل
نوكيا N95 وعم يسأل صاحب المحل: هاظا شاشتا إملونه؟؟
لأ حبيبي – هات من إيدك - هاد حيونة حطولو الكاميرا بعدين موديل قديم .
-مذيعة بيوم العيد عم تتفتل بالشوارع وتلطي ع كم مواطن وتسأل وبنفس الوقت هي بتجاوب : شو بتساوي اول يوم العيد ؟ أكيد بتروح بتزور الأهل والقرايب ؟؟؟؟
لا والله .بالعادة بفكر العب طميمة وماروح لعندهم .
-نفس المذيعة بتشوف ولد بالشارع وبتساله؟ حبيبي بتحب بابا وماما ؟
لا مابحبهم , بحب البوسنة والهرسك .
-واحد فايت ع جماعة وشايف الوضع بالشارع معتم والمكتوب مبين من عنوانه، شومقطوعة الكهرباء؟
لأ حبيبي بس هيئتك بدك تعمى .
-بتطلع بميكرو وبتطلع (خمسة ليرات)وبتعطيها للي أمامك، وبكل برودة بيقلك: واحد ؟
لأ 60 واحد !!!!!!!!!!!!!!!!!؟ ورجعلي الباقي .
أشّر بأصبعتوالكريمة لتكسي، وفعلاً وقفلو العينتين، بيسأله: فاضي؟
لأ ... مليان عندي 10 طلبيات، بس وقفت حيونة .
- بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي .

#انطوني_دانيال (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل