شهادة البنت 00 نوسه!!

ياسر العدل

الحوار المتمدن-العدد: 2093 - 2007 / 11 / 8 - 11:42
المحور: مقابلات و حوارات
    

- لو سمحت يا دكتور، ممكن أتكلم مع حضرتك.
- أهلا بك فى مكتبى، اتفضلى اجلسى يا بنتى ، يا أهلا.
- أهلا بك يا دكتور، أنا نوسه ، أنا سعيدة أنى بكلم حضرتك.
- أهلا بك يا نوسه، وأنا اسعد بالتعرف على نوسه الجميلة؟
- أنا نوسه طالبة عند حضرتك، بابا اشتغل سنوات كثيرة فى دول الخليج وهو لسه هناك، وماما ربة منزل قاعدة فى البيت هنا فى مصر، أنا أتولدت هناك، وإحنا ثلاث بنات ولنا أخ واحد، الوقتى إحنا ساكنين فى أحسن منطقة فى مدينة المنصورة، ساكنين فى شقه فخمه فى عمارة كبيرة تطل على النيل.
- انتو كنتم عايشين هناك ازاى يا نوسة.
- عيشه حلوة يا دكتور، الناس هناك بيتعاملوا بالدين.
- رجعتوا من السفر إمتى يا نوسه.
- الحمد لله ربنا سترها معانا، لما قربنا من الثانوية العامة بابا رجعنا من الغربة علشان نتعلم فى الجامعة فى مصر، إحنا وافقنا بابا وقلنا نرجع بلدنا اللى إحنا بنحبها وكفاية غربة، صحيح كثير من المصريين غلابة ومتخلفين وجعانين وكثير من الشباب فى مصر مش متربيين، لكن مصر بلدنا وإحنا بنحبها، ومصر أحسن من الغربة.
- على فكره يا نوسه إنتى ملابسك شيك قوى، باين عليك مخطوبة.
- الحمد لله ربنا سترها معانا، أنا مخطوبة لواحد من معارف بابا، خطيبى والده بيشتغل فى الإمارات، لكن أمه وأخواته البنات عايشين هنا فى مصر، خطيبى سافر للسعودية وإنشاء الله أسافر معاه بعد الجواز.
- يعنى ممكن تسافرى معاه قبل انتهاء الدراسة من الجامعة.
- الحمد لله ربنا سترها معانا، أنا رأيى انه مفيش سفر قبل البكالوريوس، علشان البكالوريوس شهادة ممكن أشتغل بيها فى السعودية وتبقى حياتنا أحسن،والأمر كله راجع لرأى والدى وخطيبى.
- قولى لى يا نوسه، إنتى ناويه تدرسى إيه من مواد التخصص فى الكلية.
- الحمد لله ربنا سترها معانا، أنا ادرس أى حاجه يا دكتور، كلها دراسة محصله بعضها، أنا عاوزه شهادة بكالوريوس من الجامعة والسلام، المهم أنى لا ادرس علم التامين.
- إيه السبب يا نوسه.
- بابا بيقول إن التأمين حرام يا دكتور، بابا بيقول كيف نحسب على الناس أرزاقهم ؟، وعمليات التأمين فيها حساب للرزق يا دكتور.
- إنتى إيه رأيك.
- الحمد لله ربنا سترها معانا، أنا موافقة على رأى بابا أن التأمين ودراسة التامين حرام، إحنا إزاى نحسب عمر الإنسان ونحسب له المصائب اللى بتحط عليه ، دى كلها قسمة ونصيب وحسابها حرام، دى حاجات من عند ربنا ومش المفروض إننا نتدخل فى قدرة ربنا.
- يا بنتى التامين ده علم، والعلم مطلوب لكل الناس.
- بس يا دكتور التأمين بيتعارض مع الدين.
- نوسه الجميلة، ممكن أقول حاجة.
- اتفضل يا دكتور، أنا نفسى أسمع رأى حضرتك.
- إنتى بنت كلب يا نوسه، أبوك عبد فلوس متخلف جعلكم تتحركوا بعقول مقفولة وتعيشوا مشردين من غير وطن.

#ياسر_العدل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل