زملكاوي بيحب الاهلي؛؛ ابيات

زملكاوي بيحب الأهلي
-------------------------
يا نادي الطيبين المسالمين
يازمالك ياقلب المحبين
والاهلي اللي شرف العرب والمصريين
لك مني كل تحية واحترام المقدرين
أسم وقيمة كبيرة للعارفين العاشقين
ياللى دايمآ رافعين علم مصر
انا بحبكم  وبقولكم متشكرين
لأن بطولاتكم ماينكرها إلا الحاقدين
و بحب الزمالك كل وقت وحين
في الفوز والهزيمة وراك  ساندين
المهم نفوز بالشرف واللعب  الأمين
مش بالرشوة والحكام المنافقين
والحب والمبدأ جوانا متغلغلين
ليك يا زمالك  ولمحبينك الطيبين
علمتنا الشياكة وحب المنافسين
لأن الرياضة تسمو بأخلاق الرياضيين
ضد الكراهية والغل والمتعصبين
دا الكل في النهاية مصريين
والهزيمة مش نهاية دنيا ودين
والتعصب الأعمى شيمة المتخلفين
علمتنا حب اللعبة الحلوة حتى لو من المنافسين
شجعناهم خارج مصر بأخلاق الرياضيين
وهما شجعوا المنافس بقوة متحمسين 
ليه كدا احنا اخوات يامحترمين
ربنا يهديهم ويملاهم حب عوض المحرومين
والله بنحبهم ونتمنى يكونوا مسالمين
وبنحب لعبهم بحماس وعزيمة ورجولة
بس؛؛؛؛؛ لو مكانوش متعصبين
في النهاية هما واحنا اخوات وطنيين
بنرفع علم بلدنا بأسم مصر و العرب المحبين
ليهم منا كل الحب وشرف المنافسين
ياللى كتير شرفتوا مصر احنا بيكم فرحانين
وايه فايدة المنافسة من غيركم يامتعلمين
انتم قيمة كبيرة يعرفها كل الرياضيين
وبأيد السلام ليكم احنا  متقدمين
مبادرة لصفحة جديدة برقى المثقفين
لكل اتباع الأبيض والأحمر؛؛؛ فقط الطيبين
              ولاعزاء  للمتعصبين
د مصطفي راشد