امينة عبد الله
الحوار المتمدن-العدد: 4584 - 2014 / 9 / 24 - 23:22
المحور:
الادب والفن
محطات .. الحياة
محطة مترو العتبه
وحلم ان حد بيشاركك حملك اللي طول عمرك شايله لوحدك
واصرارك بغباوة على خلق ذكريات
ترسمك بتفاصيل جديدة
محطة متروسعد زغلول
مابين انتظار لقاك وحكم بالإعدام
وفرحتك بالشيكولاته والمصاصة كأنهم الدنيا
وأغنية طلب اللي تيجي تطبطب على روحك
"يارب كل من له حبيب ما تحرموش منه"
محطة مترو الحدايق
وخروجك من فتحة في الحيطة
كإنك بتوسع فتحة روحك
اللي اتخنقت من جمود الموقف
محطة مترو محمد نجيب
رجفة انتظار وأحلى لقى ممكن يحصل
وأرق وداع بأجمل بحبك
"ومعاكى أضحك بصوت عالى "
محطة مترو رمسيس
أسوار حماية بتتفرض عليك
وسط الزحمة
عين تحاصر كل اللي يبصلك
وعينك تترفع بزهو
واحساس الحب والعرفان
#امينة_عبد_الله (هاشتاغ)
كيف تدعم-ين الحوار المتمدن واليسار والعلمانية
على الانترنت؟