شيرين سباهي
الحوار المتمدن-العدد: 4355 - 2014 / 2 / 4 - 22:17
المحور:
الادب والفن
يم رمش عيني نصب چادره السهر ..
وبنص كلبي شب موكده الهم وفرشت الديوان ...
ياالشهكتك شهكة موت ...
تمنت ماجبتك امك ..
وتمنيت بحياتي انت چذبة نيسان ...
غليظ أصوابك ...بس كمل فضلك وياي
الطير مايموت من كسرت الجنحان ...
اخذ لهفتك مني ...لو نويت تروح
وأنطني عمري وياك .. وذيچ الأحضان ..
هلبت أشم عطرك بيها .. من تفز روحي تدور أعليك
وتسد بوجهي الصدفة البيبان ..
اعلى نيتي وياك ...
وأشور من أسولف ....
يا العشكك عشك مدلل وبطران ..
شلت كل جروحك ...على چتاف غصتي ..
ومن ثكل جرحي ... غاصت صرخة العمدان ...
كافوري طيفك ...لو ردت موتي ..
وشحلات الموت لو صرت أنت الدفان ....
#شيرين_سباهي (هاشتاغ)
كيف تدعم-ين الحوار المتمدن واليسار والعلمانية
على الانترنت؟