ايمي صليب
الحوار المتمدن-العدد: 4252 - 2013 / 10 / 21 - 01:56
المحور:
الادب والفن
علي فكرة انا كنت طيب
ومن قلوب الناس قريب
بس اكمني كنت بسيط
بغباءهم شافوني عبيط
عشان صريح وواضح
وعمري ماكنت جارح
ومن يومها كان القرار
ابقي لئيم زيهم ومكار
اصلي كرهت طيبتي
وندمت علي صراحتي
قررت اعيش حد غيري
و اغير خط سيري
علمت قلبي يبقي قاسي
و دفنت جوايا احساسي
بس بردو غصب عني
مقدرتش اشيل قلبي مني
هي هي الضحكة الصافية
وهي هي احضاني الدافية
اتاري المحبة في كياني
والطيبة بتجري ف شرياني
أنا عايز افضل انسان
حتي لو قالوا عليا غلبان
emiii
#ايمي_صليب (هاشتاغ)
كيف تدعم-ين الحوار المتمدن واليسار والعلمانية
على الانترنت؟