محمد الصحاف
الحوار المتمدن-العدد: 4104 - 2013 / 5 / 26 - 00:52
المحور:
الادب والفن
الى محيسن العراقي الذي هده انتظار اﻻ-;-مل
تِدري شعزيزه الروح ؟
مِن يِشرَك غِريج ابماي
ومِن ينشف دمع مجروح
وينسه حَنينه الناي
تُعرف بُكايه الليل
عند الحبيب هموم
يِسهر يِطش الهيل
بلجي يجيله النوم
تكدر تعيش ابكفن ؟
وتنسه دمعهه العين
ويلي – غريب بوطن
وعُمرك تعيشه – دَين
شِنهو البُقه ومَنباع !
ماظل عِندك اليسْوه
مَيّك – والسِمَه – والكاع
كِلهه للربع ----- فِدوه
كِلشي يَمّك اتغيّر
ْراح التِحبّه --- راح
لا حسينك بُقه يشوّر
ولا سيف الشِمِرْ طاح
رِد للاعظمّيه ارْدودْ
واشعللك الف شمعه
عُمرك تراه مَحدودْ
يِتلاله بطرُفْ دَمْعه !
يَمنه الوعَدْ مَكتوب
تُضرُبْلَه الف قامه
ابليسكْ صُبَحْ مَهيوب
خاتم بيده – وعمامه !
محبس بيده وعمامه
موجوعا ارثيه قلمي
فالات حتما... مقضيا
عبريا... يتلوه وطني!
#محمد_الصحاف (هاشتاغ)
كيف تدعم-ين الحوار المتمدن واليسار والعلمانية
على الانترنت؟