شويه كلام ع الماشي :

فرح محمد

الحوار المتمدن-العدد: 4103 - 2013 / 5 / 25 - 22:29
المحور: ملف فكري وسياسي واجتماعي لمناهضة العنف ضد المرأة
    

اغلب بنات المُجتمع الشرقي بيعانوا من اللي كتبته ده :
#لما بتكوني عاوزة تحققي اي حلم نفسك فيه وترسمي الطريق عشان توصلي يقولوا هو انتي فاكرة ان ده أساس حياتك , انتي اخرك الجواز^^
#لما بتقولي رأيك وبتكوني علي قناعه تامه بكل ارائك وممكن ساعات تُصيبك حِده في الراي لِانك علي صواب يقولوا هو انتي فاكرة فيه رجل هَياخد واحده بتمشّي كلامها بالشكل ده وبتتكلم كده زيك^^
#لما بتقولي انا عاوزة/بفكر/بخطط/هَغيرّ من حياتي والخ الخ, يقولوا مفيش رجل هَيبصّ لِواحده شايفه نفسها زي الرجاله وماشيه بِدماغها^^(ال يعني هو إينشتَاين)
#لما نفسِك تُخرجي وان حصل وإتأخرتي مثلا لِأي ظرف يقولوا انتي مش خايفه علي سُمعتك ولو حد جيه اتقدملك هيقول ايه ماشيه بِمزاجها وبترجع بِمزاجها^^
#لما يجيلك عريس ويكون مش عَجبك من ناحيه عقله/تفكيره/اسلوبه/احيانا شكله ولبسه
يقولوا هو انتي هَتفضلي تقولي ده لأ وده وحش وده مش كويس لو فضلتي علي كده مش هَتلاقي حد يعبرّك^^ وبعدين الرجل مَيعيبوش غير جيبهُ(وهو اساسا سالف حق التوك توك وهو جاي:)
#لما بتروحي أي مناسبه فرح/عزاء/عيد ميلاد .. الخ, تلاقي بعض صحباتك البنات اللي من بتوع ضل رجل وحته عيل اول مايقابلوكي بعد رغي كتير وكدا يقولوا ايه ده ومفيش حاجه كده ولا كده؟ مش هَنفرح بيكي بقي؟ ولا انتي هَتفضلي تعيشي تتعلمي وتشتغلي يبنتي العمر بيجري^^(ده علي اساس انه اصلا مش بيجري لوحده)
#لما بتنزلي الشغل اللي بتحلمي بيه وتثبتي وجودك تبدأ نظرات المُحيطين والاسئله المُملّه هي ليه مَتجوزتش لحد دلوقت؟ اكيد فيه حاجه^^(مَتنسوش كمان جارتنا ام فاروق)

للأسف حكاوي المُجتمع كلها لا تنصب إلّا علي رجل وزواج وفقط , مَتعمليش اصل مفيش رجل هَيبصلّك, مُتتكلميش بالشكل ده لان مَفيش رجل هَيفكر يتجوزك و و و و و كله عشان الرجل^^(ده انا هَخنُقك ايُها الرجل:)
عادات وتقاليد مُبتذله لا تعني شيئاً وضعت المرأه داخلها وكَأنها داخل تابوت لا يجب أن يُخدّش حتي يأتي مُشتريه ومن يُفحصّ ويُمحصّ ..
مُجتمعي الفارغ كفاكَ تخلُفاً وإبتذالاُ وعهراً فِكرياً كفاكَ ترسُم لي سوراً حول احلامي وتُقيدُني بسلاسل من عادات وتخاريف في عقلك انت التافه, مُجتمعي الفارغ لن تكسِر احلامي
ولِأني أعلمُ علم اليقين أن البنت الناجحه ما هي إلّا شوكه في عقل الجُهلاء مِمنّ لا يُريدون نجاحاً بلّ يُريدون تحطيماً لها لِكونك لا تُريدُ دماءاً جديده تُغيرك للأفضلّ
فَلنّ أيأسّ/

#فرح_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات