جواد القابجي
الحوار المتمدن-العدد: 3640 - 2012 / 2 / 16 - 08:19
المحور:
الادب والفن
حِرت شَذْكُر من الراحوْ ++ ورامن
اوبعدتْ امن الذي يعذل ++ ورامن
بعد ميفيدني صياحي ++ ورامن
جفاني او راح أُوجر حيل بيَّه
**************
إحنه هم عاشور عدنه
او عدنه كل شباط يوم 14 .. هوَّ الطبگ
شلون صادف يوم عيد ..!!
او عيد حُبْ ..
ذاك يحضن گلب حُبّه ..
واني يم گبرك .. أطيحن بيه .. شبگ
هذا هوَّ العيد عدنه
لون ماتطفر ادموع .. او مابچیت
انگول راح إمن العمر .. ما ينحسِب
ذوله إحنه
بين دمعه وبتسامه
بالفرح
يو بالحزن
كل السِنه .. عاشورنه ..
نگضی كل أعيادنه
او نلزم سره
امشابگ .. وي أحبابنه .. بالمگبره
******************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟