لكم دينكم ولى دينى

حسن يوسف عبد العزيز

الحوار المتمدن-العدد: 3332 - 2011 / 4 / 10 - 08:35
المحور: الادب والفن
    

انا دينى الغلب اللى كاويك وكاوينى


انا دينى الفقر اللى ماليك ومالينى


انا دينى العرق اللى على جبينك

وجبينى

انا دينى الناس اللى بتموت علشان

غيرها يعيش


انا دينى رغيف العيش


اللى عشانو بتطلع عينى


انا دينى لاصلاه ولا صوم


ولا جنه ولا قيامه بتقوم


انا ضحكه عيل محروم


عندى بالدنيا تكفينى


انا دينى بلدنا الموجوعه


وهدوم الغلبان المقطوعه ومرقوعه


كلمه حق فى وش الظلم تكون

مسموعه


انا دينى دين الناس اللى بتعافر


لا قسيس يغفر لى ذنوبى


ولا شيخ بدماغى يتاجر


هتقولو عليا كافر


فانا كافر بكلامكم كافر


بنفاقكم كافر


بالصمت انا كافر



انا دينى حوارى وغيطان وشوارع


وناس مع الدنيا بتكافح وتصارع


لا تقولى كنيسه ولا جامع


انا طالع دينى وفيا اللى مكفينى



انا دينى الصبر فى عيون الناس


الروس اللى عمرها ما بتطاطى ولا

تنداس


انا دينى الناس الشقيانه


الناس التعبانه


الناس اللى بتصرخ بعلو الصوت


لا بتخاف من سجن ولا من موت


انا دينى النار والجمر


لا بيعرف طاعه اولى امر


ولا بيخاف ويقول كل ما ينداس لله

الامر

انا دينى لا بيخوفنى ولا بيأفينى ولا

بيغمينى


ولا على جنه بيعشمنى ولا على نا ر

بيودينى


وهتسالنى بعد كل ده عن دينى


هقولك


لكم دينكم ولى دينى

#حسن_يوسف_عبد_العزيز (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل