مصطفى محمد غريب
شاعر وكاتب
(Moustafa M. Gharib)
الحوار المتمدن-العدد: 2595 - 2009 / 3 / 24 - 04:50
المحور:
الادب والفن
بغداد إنتي الأمل
إنتي شغاف الروح
والناس منج حِلَو
حلوات منج فوح
.......
.......
كلما أكولن أجي
يزداد بيَ الشوك
يزداد بيَ الوجد
والبعد مثل الطوك
يسحك ارواح الخلك
بفراكْ مثل الشُوك
.......
.......
بغداد إنتي السعد
وعيون تهدي الغزل
لابد وان نلتكي
بكلوب جنهة عسل
إنتي الكمر يعتلي
شانج ويزرع أمل
تعلين فوك السمه
تقوين جَنجْ جبل
حتماً وإن ينجلي
همجْ ويكوم العدل
يبزغْ عليج الفجر
يطرد ذياب القتل
بغداد كلج وفه
بس النذل يبقه نذل
.......
.......
تبقين تاج ورد
والناس إلج متراس
مهما قسةّ عليج الدهر
والظلم صار أجناس
لا بد وان ينتهي
تبقين فوك ألراس
شمعة وهلاهل تستمرْ
ريحان من ينْباس
بغداد زفة عرس
هوسات الفرح نبراس
إنتي عروس العمر
اسمج نغم أجراس
إنتي الصفا ألماس
إنتي الفرح للناس
#مصطفى_محمد_غريب (هاشتاغ)
Moustafa_M._Gharib#
كيف تدعم-ين الحوار المتمدن واليسار والعلمانية
على الانترنت؟