بالعامية موال / الوفا والغدر

موال الوفا والغدر بالعامية
=======================
مابقيتش عايز من الدنيا إلا السلام والأمان
خلاص جربنا جرحها وعرفنا الغدر فيها إنسان
والكل راحل ليه بقى التكويش والكره والإنتقام
لا المال ولا الجمال بيدوم
ولكل شىء نهاية من غير كلام
ويالى لسه عشمان بالوفا بلاش تعيش أوهام
دا الخسة والندالة حواليك فى كل مكان
والطعنة ممكن تجيلك من أأقرب حد ليك مديله أمان
خلاص الأصيل فى بلدنا أصبح ملوش مكان
وقليل الأصل حكم وملك علينا الفرصة والزمان
ليه يابلدنا تَعَلى وتَرفَعى الخسيس وكل جبان
والطيب الأمين تدبحيه وتحوجيه للندل الجبان
امتى يابلدنا أعيش فيكى مطمن مش خايف قلقان
ورغم انى ماشى جنب الحيط -- لكن انا المتهم المتهان
ويالى استقويت وافتريت بكرة يدور عليك الزمان
دا فيه رب كريم عليه الحقوق أسمه القادر الديان
عارف إنك قليل الأصل بتتلون زى التعبان
واوعى تفكر ان الدنيا دايما ليك أو انك من غدرها بأمان
لو كانت دامت لغيرك مكانتش وصلتلك ياجبان
واللى بيستغل الظروف واطى ملوش أمان
================
كنت اتمنى سماعها بصوت محمد طه
د مصطفى راشد