ناس وناس

أنور زكي الأنباري

الحوار المتمدن-العدد: 4082 - 2013 / 5 / 4 - 13:58
المحور: الادب والفن
    

ناس وناس
ناس بالگطـارة حگهــــا وناس بالسطّلات تُكرف
وناس من ضيج العليهه تظل بالحســـرات تهتف
درهم اتشوفه چبير وتحسبله الف احساب لو قررت تصرف
درهم يزيد المقرر لازم من الصبح تهرف
وناس يبگه الزود الـــهه تطشــر وبالكرك تجرف
وناس من غصـبن عليهه الفگر من يم حلگه يخطف
لگمه لو صارت چبيرة وك حسافة يلوچه ويتهنة بيهه
وربك الماراد ينصف عود هوَ الوكت ينصف
يگله اسعى آنه أعينك هو مثل الچلب يهرف
يركض بليله ونهارة حافي مايدري وميعرف
شنهو اليريدة ويرزقه يشيل سيف يحارب وبالگوة يلهف
يحلم بدينار زايد ولو يشوفة تصير كل اعضاءه ترجف
وذاك لو مليون يزعل ليش ماصارات اثنين؟ وربك يگله تدلل لو تريد الزود سولف
والفگر لو راد زايد ينشبع كفخات وريشه ينتف او كلهه من يمه تسد بيبانها ومستقبل التُنگه گحف
حتى الچلاب التشوفه تكشر انياب وتصف
تمرعطة لو علبعير يصير ابدن ما تعف
ذاك يترهدن يسولف و الچلاب تهزل ذيل وبالفرح يمه تحف
هذا ميزان القضية وشوف منهو الينتصف
ولا تظن الفگر مرة ينتصف

الشاعر
انور زكي الانباري

#أنور_زكي_الأنباري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات