(( عليمن تعتب او تحچي ))

مظلوم الجوادي

الحوار المتمدن-العدد: 3395 - 2011 / 6 / 13 - 10:05
المحور: الادب والفن
    

علیمن تعتب اوتحچی اذا كلهم حراميّه
الوزير اتنصّب اعلينه
الچان امن المچاريّة
+++++++++
هذا اشلون ماتلگاه حاقد على العلميّه
كاتم صوت هالشاهد صار القتل يوميّه
تخرُّج جامعة الاهوار من سوگ المريديه
صار اعراگنه بيهم طايف على البرديه
+++++++++
لامستشفه لا دكتور لعبوا بينه چوبيه
اذا بيك افلونزا اتصير ماأعتقد مشفيّه
گص وتِّجه يم طهران تشفه ميّه بالميه
تكتّل شوفلك فد خط مجلس يو الصدريّه
++++++++++
لو أحسن طريقه شوف شغله اويلدَعَوْچیه
والمستقل مامرغوب مو من الحراميّه
احسن مل تظل صايم تفطر على البعثيه
صير اوياهم املوَّن مثل شيخ الكلوچیه
++++++++
مثل هاي الشواذي صيروتملَّك الشرعيه
اوياها إلبس اعمامه ولزگ لحیه عاريه
ولا نقطة عرگ تعرگ امورك هاي مگضیه
مطر تمطر عليك الدنيه دولارات مهديّه
+++++++
هاي تريدها ابهاليوم سلطات الحراميّه
الشريف ايموت من الجوع
وهيه اقصور عاليّه
واليحچی فريسه يصير تتورعِشه الواويّه
هیچی اعراقنه باعوه
هالشـــــــــــــــــــــــــــــــلَّه
الحرامية
+++++++++++++++++

#مظلوم_الجوادي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات