ضرغام العراقي
الحوار المتمدن-العدد: 2596 - 2009 / 3 / 25 - 02:02
المحور:
الادب والفن
وطـن ... لـن و لم
معذور
أرسملك فرح
وبعيني الدمعات
وهمومي صفت ترسم معاناتي
وضحكلك چذب
بس داخلي مجروح
وبس حالي علم ماحال مأساتي
وصفناتي شكثر
مابيهه قط احلول
وخدّي يشتهي يشتاگ صفناتي !!!
واسراري بحر
بس ما لگت سفـّان
حلفت بس الي تنطق بطولاتي
ممكن بالعشگ
ويّاك صح ارتاح
لكن في وهم مجملهه راحاتي
مشكلتي الگلب
حزنه اعله كل شي يصير
وهمومه جبل وسفوحه حسراتي
وساكت للأسف
بس چان عندي اللسان !!؟
ومن كثرالظلم ضاعت عباراتي
لاتعتب بعد ياحبنه ...
واترجاك
عيش وياي بالحلوات مُرّاتي
واضربلك مثل ...
لا مو مثل تشبيه !؟
وبهذه صدگ حاسب حساباتي
معذور الحزن نتشابه انه وياه !
ما عنده وطن … سكنته باهاتي
سؤال: ماعنده وطن ؟
جواب: ابقه بلا وطن !
أبقه بلا وطن ...
شكراً تحياتي
ضرغام العراقي
www.dhrgamaliraqi.jeeran.com
#ضرغام_العراقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟