الحياة حلوة

هناء ابو العز

الحوار المتمدن-العدد: 1847 - 2007 / 3 / 7 - 12:24
المحور: اليسار , الديمقراطية والعلمانية في مصر والسودان
    

عجيب هو حال المواطن المصرى... فدائماً لايعجبه حاله لاتراه الاشاكياً متأوهاً متازماً... ترتسم على وجهه فيما بين حاجبيه العدد111 وعلا شفتيه الرقم 8 فوجهه كله ارقام وحسابات... حتى فى يوم الابتسامه الشهريه تجد كل الارقام اتلخبطت وتلاقى لوغاريتما ت اتعقدتانا مش عارفه هوه عايز ايه بالظبط... بياخد مرتب مايحلمش بيه أى مواطن فى أى بلد عالمى لدرجه ان اوقات المرتب يوصل بعد الحوافز والمكافأت الى 200جنيه... ايوة صحيح فى مواطنين باخدو ا اقل من كده بس هى مجهودات برضه ... وبرضه مابيفكرش يبص للى تحته ويرضى ...لا تقول ايه الطمع بقى ... يمسك كده المرتب فى ايده ويقعد يحسب للدنيا والاخرة... عايز كيلولحمه بأربعين جنيه مالها اللحمه ام 10و15 جنيه اينعم مش عارفين مصدرها ايه بالظبط وأى نوع من الحيوانات تكون... بس أهى لحمه ...حاجه حمراء وخلاص... يجى يقول مصاريف المدارس وهدوم العيال ...مهو لازم الواد والبنت من دول يخلو عندهم دم الصراحه ....فبدل مايكلفوا ابوهم كل شويه يروحوافى اىميدان محترم ويمدوا ايديهم للى رايح واللى جاى... مش عيب اهم يعيشوا عيشه محترمه .... ويرجع الموظف من دول يقول نور ومياه وكهرباء ...مايعيش عيشه أهله بقى مش كانوا على لمبه جاز... صحيح انا ناسيه ان الجاز غلى هو كمان .... بس مش مهم بلاها لمبه الجاز... الانسان البدائى كان عايش على ايه ولا احنا يعنى لازم نعيب فى الحكومه كل شويه ونطلعها غلطانه ووواكله حقوقنا وهى السبب فى الجفاف اللى احنا فيه ...زمان قلته الحكومه مش نظيفه اهم جابولكم النظافه كلها ايه حجتكم بقى ... موفر لكم سكن نظيف ومياه نظيفه وكهرباء نظيفه حتى الفراخ برضه نظيفه والراجل راايق والحياه نظيفه خالص والمعامله أنظف بصراحه لاظابط يشدك من قفاك ولا عسكرى يساومك على رخصه المرور ولا أى حاجه من دى خالص وبرضوه مش سايبيبنه فى حاله ده لما قزقز لب فى المجلس قومتوا الدنيا وقعدتوها... وولاعجبكم وزير صحه ولا مرض عايزين تغيروا ايه تانى ناقص تقولوا نغيروا البيج بوص بقى .... اهو ده يبقى الفجر بعينه

#هناء_ابو_العز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل