شام

عبدالله شاهين

الحوار المتمدن-العدد: 1844 - 2007 / 3 / 4 - 06:21
المحور: الادب والفن
    

بحبك قريبي كتير وبعيدي
متل الحلم يا شام
بحبك غريبي مسكت بأيدي
رعشة أمل يا شام
...........
أول صباح الخير ع قدّك حلو
بكيت عيوني فرح بعدو بأول
وغفيت ارسم لك درب يستاهلك
ما وعيت
كل الدروب بضحكتك يا شام
...........
يا شام
يا نجم الصبح يا أول المشوار
والقمر واقفلك حرس فوق الجبل محتار
معقول يترك للشمس ؟؟
مكلل ندى نوار
بدك شمس ع قدّ ما فيك حلا يا شام
................
ضل لعبي
لا تتعبي
نبع الفرح يا شام
بيمرق صبي
بيطلع نبي
دايخ من الأحلام
يلون دروب الكون ويلحن الأيام
يا شام
لولا العطش ما بدق باب الشام
.............
كلمتين وحرف وقف القلم .....!
متل لكأني نسيت
سهوة عتب بين كاسين وعتم
ضحكت ولد أول كلامو بالحلم
ووعيت
واقف ع بابك والعطش
نجم القطب ياشام .
مش عاتي بين ايديك صرت شحاد
اشحد لبكرة صبح
اشحد حلم لولاد
اشحد شوبدي قول
اشحد ما عاد فيي
اشحد شي صوت يقول
حاجي تعبت يا شام
...........
يا شام يا أم الدني و مشوارها
وين كان
بوابك وسيعا وضيقا
يمكن أنا إنسان
مسكون متلك الفرح
مشغول بالنسيان
بوابك وسيعا وضيقا بالله فتحي يا شام

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل