مواطن وحمدان وحماس

علاء نايف الجبارين

الحوار المتمدن-العدد: 1701 - 2006 / 10 / 12 - 10:00
المحور: كتابات ساخرة
    

اخواني الشغله كلها محيره ولا هو فقط هروب من المسؤليه والله مني فاهم شي
الاخوان بفتح وحماس بيصعدو المواجهات والحرب الاعلاميه ومن يجو بالتلفزيون بيحكو انهم ضد حرب اهليه ونحترم الطرف الاخر واننا مع حكومه الوحدة الوطنيه
احنا فاهمين ان الحكومه الوطنيه مطلب فلسطيني داخلي وان الخلاف بين الحماس والفتح ان الحماسين لا يريدو الاعتراف باسرائيل والفتح تريد الاعتراف بناء على الاعتراف المتبادل بين المنظمه واسرائيل
لحد هون احنا فاهمين الطرفين بدهم حكومه وطنيه والاختلاف على الاعتراف والي بنعرفه انهم قبل فتره اتفقو وكلشي تمام لكنهم الحماسين قال لازم ياخذو الموافقه من ولي الامر في الخارج الاخ مشعل ؟؟؟ وبعد ما وقعو وكلشي تمام حكو بطلنا ما بعرف احنا بنلعب شده والشباب اطعموني شيخ مدبل وبطلت اللعب مش فاهم شي
المهم البارحه بطلع على هالتلفزيون على الاغاني طبعا وانا قاعد بغير بالمحطه شفت اسامه حمدان قلت الا اسمع شو بيحكي والله يا اخوان انو الزلمه بدو حكومه و واثق من نفسه وبيتهم الفتح بانهم يريدون اسقاط الحكومه هاي انا بصراحه شو ي ما فهمتها الي بدو يسقط الحكومه فتح ولااسرائيل او امريكا او اوروبا والله مني فاهم المهم تابعنا حمدان بتعرفو اخواني بيحكي وكانه ما في مشاكل في فلسطين الا شوي الزعران في السلطه وان الرواتب ماشيه والناس عايشين مبسوطين في ظل نظام حماسي متكامل واسرائيل بتظل تعوي بمجلس الامن وتحكي يا ناس ديرو بالكم من حماس وكل العالم ما بيسمع منها مش فاهم شي انا
بيقول حمدان ان الي بدو حرب اهليه هم الزعران طيب يا سيدي ليش نزلت مليشيات ؟؟
ليش التصريحات الحماسيه عن جيش ب15 الف مقاتل وجاهزين لكل شي
لا لا لا اسمعو الخبر الي بجد خلاني اكرز حمدان بيطالب بفتح تحقيق عن اغتيال هشام مكي
له يا حمدان انت ما بتعرف مين الي قتل هشام ولا بس بدك تغطي عن مقتل التايه انا والله ما بيهمني التايه تبع المخابرات ولكن الي قهرني هشام مكي يا حمدان الي قتل مكي هو القائد ابو عمار وكتائب الاقصى كانت اول عمليه لهم لان مكي باع الشريط الي فيه الشباب الي قتلو المتستعربين في رام الله واعتقلوهم كلهم
المهم السؤال الي انا محيرني ويا اخوان دلوني انا او دلو تبعين حماس
انتم يا حماس بدكم حكومه وحده وطنيه بدون اعتراف والمهم هو الاتفاف الفلسطيني والوحده الفلسطينيه
يا اخواني احنا معكم يلا هاي شكلنا حكومه والفتحاوين طلعو مظاهرات حاميلن صور مشعل وهنيه وابو مازم والحماس معاهم وحاضنين بعض وكلشي تمام
طيب راح تجينا الرواتب ؟؟؟
راح البطاله يقضى عليها ؟
راح نصير نصل رام الله بشرعه ؟
القدس بنروح بنصلي وكلشي تمام ؟
ما في اعتقالات ؟
ما في حواجز ؟
ما في جدار ؟
اخواني المشكله ليست في الحكومه الوطنيه الي بيدعو الها الكل ولكنها في الخارج
هناك رفض دولي لبرنامجكم السياسي وان قلتو اه وان قلتو لا مافي تعامل معنا الا نوافقهم
احنا ما عندنا مصدر قوه نرتكز عليها ونحكي ما بدنا نعمل الي بدكم اياه
لا عنا بترول ولا عنا شركات ولت مصانع ولا دخل قومي ولا بطيخ
شوي هالضرايب واليهود حاجزينيهن
يعني وبالاخير شو ناوين ؟؟
شباب يمكن انا غلطان وتفكيري غلط يمكن هالرمضان سخطني من الجوع يمكن شو بيعرفني



سئلتو المذيعه شو رايك بالمبادره الي تبناها المثقفون والقاده المستقلون الفلسطينين حول تشكيل حكومه انقاذ مؤقته لتسير امور هالغلابه لحين ما يتفقو القاده الي مرات بنحمد الله ان ما بيدهم قوه ولا كان دمرو العالم القائد المناظل من لبنان قال ان هذه من ضمن محاولات اسقاط الحكومه وبيتحجج السيد حمدان بان هؤلالء قالو انه في حاله فشل الحكومه الوطنيه تشكل حكومه انقاذ او تسير اذا هم يعملو على اسقاط الحكومه وتشكيلها يعني ما فكر ان هؤلالء قلبهم على الوطن وانما على طول اتهمهم بانهم مع اسقاط الحكومه وقال ليش اتهامهم ؟؟ لانهم حكو اذا ما اتفقو كلمه اذا خليتهم مع اسقاط الحكومه
وقال بدهم حكومه وحده وطنيه والله عجب

#علاء_نايف_الجبارين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات