وليش أنا رح قلك ليش ..!!؟

مي الحلواني

الحوار المتمدن-العدد: 1650 - 2006 / 8 / 22 - 07:23
المحور: كتابات ساخرة
    

لقد استنتجت بذكائي الخارق بعض الأمور المحيرة التي أوصلت الشرق الأعور عفواً قصدي الأوسط إلى هنا,طبعاً بعد أن كلفتني الكثير من العناء وبعد أن جعلتني أنكش شعري آلاف المرات من شدة الحيرة التي كنت فيها ..
وأريد أن أشارككم بهذه الاستنتاجات المذهلة وهي:
أول الشي موجة الغباء الشديد التي تتعرض لها منطقة الشرق الأوسط والتي تحقق نجاح باهر .
تاني شي خفة عقل الشعب إلي عم يستجيب لهل ظاهرة الفريدة والي عم يخليها تحقق أهدفها الفولاذية ..
ثالث شي من جبن الرؤساء العرب إلي رح ياخد المرتبة الأولى عل عالم والحمد لله ..
أصلاً هاد لحالوا انجاز انو يكون إلنا مرتبة عل عالم بشي حتى لو كان الغباء والجبن ..
يا سيدي وكل واحد خايف يطير الكرسي وعم يسعى بجهد أخو جهيد انو يحافظ عل مجد المتسامي .. الله ياخد كل الكراسي قولو أمين ..
انو هن ما عارفين انو في يوم ما رح يضل لا كرسي ولا بطيخ أصفر ...
المهم رابع شي النجاح إلي عم تحققه ال -أنا- والفشل الذريع وتدني مرتبة الكل والجماعة إلى أدنى المراتب وشوي تاني رح تطلع برا( التوب تن ) ....!!
يا سلام أما شو مجتمعات شي بيرفع الراس ..
انو باعتبارك عربي لازم يكون راسك دايماً مرفوع ولازم تفتخر بأمجادك العظيمة إلي حققها الوطن العربي للشعب العربي إلي ما ملاقي أكل لولاده ..
نحنا ما شاطرين غير بل كلام الرنان وبعقد المؤتمرات الدولية منشان نحافظ على سلامة الشعوب العربية ........
هاد غير الشعارات المتعالية إلي بتهتف ب نحنا وكنا وكان أجدادنا عباقرة و فلاطحة ...طيب ما بيعرفو انو كان فعل ما ض ناقص و كان راح من زمان (والله -كان- تبرا منهون) ...طيب ورونا هلأ الفلاطحة و الفهمانين ..
أنا بعرف انو في كتير ناس فهمانين بس الحمد لله إذا بدهون يعيشو ببلدهون ما بيلاقو خبز ياكلو ..
لهيك الدول الأوربية أحسن وبتقدم فلوس كتير ...
شغله أخيرة نحنا العرب بدنا حرق وفرم ولا قلكون هيك قليل شوي .. لازم ننكب بحاوية الزبالة وزيادة علينا وعلى تخلفنا إلي ما جاب غير المصايب والحروب ...!!
قال بيقولو الاستعمار هوي إلي خلانا هيك دخلكون ومن وين اجى الاستعمار وعلى شو اجى ....؟؟؟؟؟

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل