حب الكتروني

يوسف عماد شقوره

الحوار المتمدن-العدد: 5458 - 2017 / 3 / 12 - 21:43
المحور: كتابات ساخرة
    

قصة قصيرة
حياتي كانت كلها حزن وأكتأب وما كان عندي شي حلو يغير هاد الحياة وانا وحتى وصل عمري 29سنة ما كان عندي أصدقاء أفضضلهم عن ال في قلبي وطبعا ما كان عندي غير مواقع التواصل الاجتماعي علشان أعبر عن ال في داخلي
ولقيت على الفيس تحديث جديد ال هو الصراحة،رحت عملت حساب عليه وعملت مشاركة على الفيس وقعد اسبوع وما صلي اي رسالة عليه،فتحته بالليل لهو وحدة باعتة بحبك ويموت فيك وموقعه (سارة)انا طرت من الفرحة
في يوم رجعت على البيت متأخر وفتحت الفيس لقيت مبعوت طلب صداقة من وحدة حاطة صورة مغنية وكان اسمها على الفيس سارة،انا حينها قعدت افكر معقول هي البعتتلي على موقع الصراحة المهم بدون أي تردد قبلت الطلب وأول ما قبلته على طول بعتت رسالة:
الفتاة:-مرحبا
طبعا الاشي صدمني وما عرفت شو اسوي ولقيت حالي تلقائيا ببعتلها كل المراحب لعيونك
وقعدت تتعرف علي وانا اتعرف عليها لحد ما طلع الصبح علينا وانا كان في عندي شغل بس في نفس الوقت ما بدي اترك المحادثة
المهم قلتلي انا هلا بدي اروح علشان بدي اطلع على الجامعة بكلمك بالليل وانا بدون تردد قلتلها اكيد راح تلاقيني موجود
كان عندي شعور غريب ما كنت قادر افسره هل هو اني اول مرة افضفضت لحد ولا علشان اول مرة اتكلم فيها مع بنت
المهم تطورت الامور بينا وصارت بينا علاقة حب وصرت في اليوم ال ما اكلمها فيه يكون جحيم بالنسبة الي وكله نكد
وصرت كل ما اتكلم معها احس بتوافق فكري كبير جدا واحس انها انخلقت عشاني،ولكن بنفس الوقت انا زهقت من كلام الفيس وما كنت اعرف كيف اشوفها علشان اتعرف عليها اكتر
لهو في يوم قلتلها انا صارلي اكتر من شهر ونص بتكلم معك وانا عمري ما شفتك ولا بعرفك حتى .انا حابب تتطور العلاقة بينا لمقابلة، لهي بتقلي لأ لأ لأ.بقلها ليش،قالت انت ناوي ابوي يقتلني،لهي بتقلي انا ممكن ابعتلك صورة الي،وانا قلتلها اوك
المهم بعتت صورة الها وكانت محجبة فيه،وانا انبسطت كتير على الصورة وقديش انها حلوة وطول الليل والنهار وانا اطلع فيها وتاني يوم من غير ما اقلها تبعت صور قعدت
تبعتلي صورها وتقلي هاد ايام ما كنا مسافرين على فرنسا وهاد على جزر المالديف وهاد استراليا وهاد على روسيا وهاد على امريكا وانا ما كنت مصدق حالي
وفي يوم صحيت من الصبح وانا قاعد على الفطور مع اهلي وبدون اي مقدمات قلتلهم بدي اتزوج،طبعا ما اقلكم قديش كانت امي فرحانة اني بدي اتزوج وخصوصا اني كنت برفض كل البنات ال كانت امي بتقلي عنهم علشان تخطبهم الي بما فيهم بنت خالتي سمية ال كانت كل يوم تمشي مع شب شكل ولا بنت عمتي ابتهال ال ما كنت تعرف هية بنت ولا شب،طبعا حكتلهم عنها وعن جمالها وهيك،واهلي ما ترددوا ابدا وعلى طول ابوي قلي خد من اهلها معاد علشان نروح نخطبها،انا من الفرحة ما كملت فطوري وعلى طول ركض على اللاب توب وفتحت الفيس بس ما كانت فاتحة كنت حابب افجأها لكن قلت خلص بحكيلها لمن تفتح بالليل،ورحت غيرت اوعية وطلعت على الشغل
وانا على باب قابلني جارنا الغلس ال ما في حد بالحارة بحبه ابدا وقلي مبروك عليك الحب الجديد،انا حينها انصدمت وفكرته مخترق الفيس تبعي ومطلع على خصوصياتي لكن الموضوع طلع اكبر من هيك،طلع جارنا هو سارة ال فضفضتله عن كل شي بحياتي
#يوسف_شقوره

#يوسف_عماد_شقوره (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات