نسرين بهمان
الحوار المتمدن-العدد: 3890 - 2012 / 10 / 24 - 14:08
المحور:
الادب والفن
في يوم رحت مسرحية
أنا و جارتنا الست بهية
كان فيها صبي بيغازل صبية
و ناس ف القهوة و قهوجية
وشوية و ظهر بلطجية
و بدأوا عركة مع الأفندية
و إشي بدلة و إشي جلبية
و إشي دمعة على وش صبية
و ده كان مشهد ف المسرحية
و حبة...و المشهد التاني
بدأ ف لمحة و ثواني
أنوار و زينة و أغاني
و زغاريد أفراح و تهاني
و ديه نهاية المسرحية
إنسدل الستار و انتهت القضية
عارف فين كانت المسرحية
ف شارع بيتنا أنا و بهية
هو ده حالنا يا أفندية
يوم ضحك و يوم ضحية
و الحياة رايحة و جاية
عارف فين القضية...؟
إنك تفهم الدنيا دية
#نسرين_بهمان (هاشتاغ)
كيف تدعم-ين الحوار المتمدن واليسار والعلمانية
على الانترنت؟