محمد المنصور
الحوار المتمدن-العدد: 1065 - 2005 / 1 / 1 - 05:42
المحور:
اخر الاخبار, المقالات والبيانات
أغنية للعراق
إتحاد الشعب
إحنه من أول زغرنه للوطن دمنه هدينة
ودرنه كل الدنية درنه ولأتحاد الشعب جينه
كَمرة ياليل العراق
تضوي بعيون الرفاق
والشمس نثرت شعرها ونقشت الحنة بأدينه
درنه كل الدنية درنه ولأتحاد الشعب جينه
*****************
أجمل العالم بلادي نفط وماي ونخيل
نريد حصة لكل عراقي جيل ياخذ بعد جيل
خير يا أرض العراق
فرحة بكَلوب الرفاق
خل نعيد ويه عيدك خل يرد الفرح لينه
درنه كل الدنيه درنه ولأتحاد الشعب جينه
******************
أنته علمت الكتابه وأنته سنيت الشرايع
وأفتحت للعلم بابه وأهتدى بنورك الضايع
مرحى يا أهل العراق
راية بيدين الرفاق
عيونكم تحرس وطنه وصوتكم غالي علينه
درنه كل الدنية درنه ولأتحاد الشعب جينه
الشاعر
محمد المنصور
04 /12 /12
#محمد_المنصور (هاشتاغ)
كيف تدعم-ين الحوار المتمدن واليسار والعلمانية
على الانترنت؟